Herbert Read
Hanesydd celf, bardd, beirniad llenyddol ac athronydd o Loegr oedd Syr Herbert Edward Read (4 Rhagfyr 1893 – 12 Mehefin 1968). Mae'n fwyaf adnabyddus am nifer o lyfrau celf, a oedd yn cynnwys cyfrolau dylanwadol ar rôl celf mewn addysg. Roedd yn un o awduron cynharaf Lloegr i roi sylw i ddirfodaeth. Roedd yn anarchaidd blaenllaw yn Lloegr, ac roedd yn gyd-sylfaenydd Institute of Contemporary Arts yn Llundain.
| Herbert Read | |
|---|---|
 | |
| Ganwyd | Herbert Edward Read  4 Rhagfyr 1893, 4 Tachwedd 1893 Muscoates |
| Bu farw | 12 Mehefin 1968 Stonegrave |
| Dinasyddiaeth | y Deyrnas Unedig, Teyrnas Unedig Prydain Fawr ac Iwerddon |
| Alma mater | |
| Galwedigaeth | hanesydd celf, bardd, ysgrifennwr, athronydd, anarchydd, beirniad llenyddol |
| Swydd | athro |
| Cyflogwr |
|
| Adnabyddus am | Education Through Art |
| Priod | Margaret Read |
| Plant | Piers Paul Read, John Read, Benedict Read |
| Gwobr/au | Urdd Gwasanaeth Nodedig, Croes filwrol, Gwobr Erasmus, Marchog Faglor |
Roedd Herbert Read yn fab i ffermwr yn Swydd Efrog. Terfynwyd ei astudiaethau ym Mhrifysgol Leeds pan ddechreuodd y Rhyfel Byd Cyntaf. Gwasanaethodd fel swyddog gyda'r Green Howards yn Ffrainc, a chyhoeddodd farddoniaeth am ei brofiadau yn y ffosydd.
Roedd yn guradur yn yr adran cerameg yn Amgueddfa Victoria ac Albert, Llundain, rhwng 1922 a 1933; yn ddiweddarach bu'n dysgu ym Mhrifysgolion Caeredin, Lerpwl a Llundain. Rhwng 1933 a 1939 roedd yn olygydd y Burlington Magazine.
Mae ei weithiau mwyaf adnabyddus yn cynnwys The Meaning of Art (1931), Art and Society (1937), Education through Art (1943), ac Icon and Idea (1955).
Enillodd Wobr Erasmus ym 1966.[1]
Cyfeiriadau golygu
- ↑ (Saesneg) "Former Laureates: Herbert Read". Praemium Erasmianum Foundation. Archifwyd o'r gwreiddiol ar 2019-05-18. Cyrchwyd 24 Mai 2019.