Idwal Jones (1895–1937)

Llenor a digrifwr o Geredigion oedd Idwal Jones (8 Mehefin 1895 – 18 Mai 1937). Roedd yn gymeriad ffraeth a fu'n adnabyddus am ei ddramâu a'i gerddi digrif.

Idwal Jones
Ganwyd	8 Mehefin 1895  Llanbedr Pont Steffan
Bu farw	1937
Dinasyddiaeth	Cymru
Alma mater	Prifysgol Aberystwyth
Galwedigaeth	bardd

Plac i Idwal Jones ac i Waldo Williams yn 56, Stryd Cambria, Aberystwyth lle buont yn preswylio

Brodor o Lanbedr Pont Steffan, Ceredigion oedd Idwal Jones. Cafodd yrfa amrywiol gan weithio fel clerc, ysgolfeistr a darlithydd. Gwasanaethodd yn y fyddin yn Nwyrain Affrica yn y Rhyfel Byd Cyntaf. Aeth i Goleg Prifysgol Cymru, Aberystwyth ar ôl y rhyfel a chafodd radd mewn Saesneg. Ar ôl cyfnod fel ysgolfeistr ym Mhontarfynach cafodd swydd fel Darlithydd Efrydiau Allanol.

Ei waith pwysicaf efallai yw'r ddrama Pobl yr Ymylon, sy'n ddychan ar barchusrwydd a snobyddiaeth.

Ceir cofiant iddo gan D. Gwenallt Jones (1958).

Llyfryddiaeth

• Pobl yr Ymylon (1927). Drama.
• Yr Anfarwol Ifan Harris (1928). Drama. Buddugol yn Eisteddfod Genedlaethol Cymru 1928
• Yr Eosiaid (1936). Drama gerddorol.
• Cerddi Digri a Rhai Pethau Eraill (1934)
• Cerddi Digri Newydd a Phethau o'r Fath (1937)
• Ystorïau a Pharodïau (1944)
• My Piffle, parodi o'r gyfrol My People gan Caradoc Evans