Jamie Robinson
Chwaraewr Rygbi'r undeb Cymreig ydy James Peter Robinson (ganwyd 7 Ebrill 1980, Penarth) sy'n chwarae yn safle canolwr i dîm Agen a Thîm Cenedlaethol Cymru. Mynychodd Ysgol Gyfun Gymraeg Glantaf ynghyd â'i frawd ifengaf Nicky Robinson. Mae'n adnabyddus am ei amddiffyn, ei gyflymder a'i allu i guro amddiffynwyr. Mynychodd Jamie Wyke College ac enillodd y llysenw 'Mole' (Cymraeg: Twrch Ddaear).
| Enw llawn | Jamie Peter Robinson | ||
|---|---|---|---|
| Dyddiad geni | 7 Ebrill 1980 | ||
| Man geni | Penarth | ||
| Taldra | 5 ft 10 in (1.78 m) | ||
| Pwysau | 15 st 0 lb (95 kg) | ||
| Ysgol U. | Ysgol Gyfun Gymraeg Glantaf | ||
| Prifysgol | Prifysgol Morgannwg (Prifysgol De Cymru erbyn hyn) | ||
| Perthnasau nodedig | Nicky Robinson | ||
| Gyrfa rygbi'r undeb | |||
| Gyrfa'n chwarae | |||
| Safle | Canolwr | ||
| Clybiau proffesiynol | |||
| Blynydd. | Clybiau | Capiau | (pwyntiau) |
| 1999–2003 2003-2009 2009–2010 2010-2013 |
Clwb Rygbi Caerdydd Gleision Caerdydd Toulon Agen |
104 108 16 44 |
(155) (145) (5) (10) |
| Timau cenedlaethol | |||
| Blynydd. | Clybiau | Capiau | |
| 2001-2007 | Tîm saith bob ochr Cymru | 23 | (35) |
Chwaraeodd dros dîm o dan 19, i dan 21 a Cymru "A" a chwaraeodd yng Nghwpan y Byd Ieuenctid yn 1999 ynghyd ag aelod arall o'r Gleision, Rhys Williams, cyrhaeddodd Cymru y rownd derfynol a cholli allan i Seland Newydd. Chwaraeodd ei gêm gyntaf dros Gymru yn erbyn Siapan yn 2001 gan sgorio cais. Cadwodd ei le yn y tîm cenedlaethol tan iddo gael ei anafu.
Bu i ffwrdd o'r gêm am gyfnod hir oherwydd anaf iw ben-glin yn nechrau tymor rygbi 2004-2005, dychwelodd i'r gêm yng nghanol tymor 2005-2006. Dychwelodd i'w gyflwr gorau gan ennill le ar y tîm cenedlaethol yn chwarae yn erbyn yr Ariannin gan sgorio cais. Hwn hefyd oedd y tro cyntaf iddo ef a'i frawd Nicky Robinson, chwarae ochr yn ochr dros Gymru. Mae Jamie hefyd yn dal record, ynghyd â Kevin Morgan, am y nifer mwyaf o geisiadau a sgorwyd mewn tymor Cynghrair Geltaidd, sgoriodd y ddau 12 cais mewn tymor. Mae Jamie yn nôl yn nhîm cymru ar gyfer tymor Pencampwriaeth y Chwe Gwlad 2007.