Jim Cro Crystyn (pantomeim)
Pantomeim gan Cefin Roberts a Geraint Cynan a chwmni theatr Hwyl a Fflag yw Jim Cro Crystyn. Cyflwynwyd y pantomeim dros gyfnod y Gaeaf 1986 / 1987. Storïau am gymeriadau o'r hwiangerddi sydd yn y sioe, gan gynnwys Jim Cro Crystyn o'r hwiangerdd Dacw Mam Yn Dŵad. Crëwyd hwiangerddi ffug i gyd-fynd â plot y panto.
| Dyddiad cynharaf | 1986 |
|---|---|
| Awdur | Cefin Roberts |
| Cyhoeddwr | heb ei chyhoeddi |
| Gwlad | Cymru |
| Iaith | Cymraeg |
| Cysylltir gyda | Hwyl a Fflag |
| Pwnc | pantomeim |
| Genre | Pantomeim Cymraeg |
| Cyfansoddwr | Geraint Cynan |
Disgrifiad byr
golygu"Dacw mam yn dŵad ar ben y gamfa wen / rhywbeth yn ei ffedog a phiser ar ei phen; / Y fuwch yn y beudy yn brefu am y llo,/ a'r llo'r ochr arall yn chwarae Jim Cro. [Cytgan] Jim Cro Crystyn / Wan, tŵ, ffôr, / a'r mochyn bach yn eistedd / mor ddel ar y stôl."[1]
"Oherwydd rhesymau dirgel, mae Jim yn cael ei orfodi i adael ei fam a'i fywyd syml a diboen yn nhudalennau'r llyfr hwiangerddi, a rhaid iddo fentro allan i oerni, ansicrwydd a helyntion y byd mawr real. Mae'n rhannu ei anturiaethau a'i gyfeillion newydd, a'i arch elyn yw W. B. Treharne, miliwnydd a chyfalafwr, sydd â chynlluniau erchyll ar gyfer ein arwr. (Gyda llaw, cawn wybod o'r diwedd beth union sydd gan mam Jim Cro Crystyn yn ei ffedog!)."[2]
Cefndir
golyguDyma'r ail bantomeim i gwmni theatr Hwyl a Fflag ei greu a'i gyflwyno, yn sgil diwedd Cwmni Theatr Cymru ym 1984. Go Fflamia! oedd y cyntaf ym 1985/1986. Cyn hynny, sefydlwyd cwmni annibynnol o'r enw Panto 85, er mwyn cyflwyno'r panto Rwj Raj ym 1984/85, cyn i Gyngor Celfyddydau Cymru rhoi'r nawdd i Hwyl a Fflag.[3]
Ystyr diniwed yr hwiangerdd draddodiadol oedd cefndir y panto, a dim i'w wneud â'r cymeriad dadleuol 'Jim Crow' yn hanes cythryblus apartheid yn yr Unol Daleithiau. Crëwyd hwiangerddi ffug i gyd fynd â'r sioe.
Cymeriadau
golygu- Jim Cro Crystyn
- Ei Fam
- Carys
- W.B. Treharne
- Miss Phyllis Prydderch
- Mrs. Dilys Treharne
- Selwyn Slebog
Cynyrchiadau nodedig
golyguLlwyfannwyd y pantomeim gan Hwyl a Fflag yn Rhagfyr 1986; cyfarwyddydd Gwen Ellis; cerddoriaeth Geraint Cynan; cerddorion Geraint Cynan, Richard Eldrige a Ray Jones; cynllunydd Martin Morley; goleuo Peter Zygadlo; coreograffydd Cefin Roberts; cast:
- Jim Cro Crystyn - Tom Richmond (Dafydd Dafis)
- Ei Fam - Siân James
- Carys - Morfudd Hughes
- W.B. Treharne - Dewi Rhys
- Miss Phyllis Prydderch - Mari Emlyn
- Mrs. Dilys Treharne Nia Medi
- Selwyn Slebog - Maldwyn John
Cyfeiriadau
golygu- ↑ "Hwiangerddi.cymru". welshnurseryrhymes.wales (yn Saesneg). Cyrchwyd 2024-09-11.
- ↑ "Helyntion Mawr Y Byd I Boeni Jim Cro Crystyn". Herald Gymraeg. 29 Tachwedd 1986.
- ↑ "Emyr and Elwyn's Story: Ep 06". Emyr and Elwyn's Story: Ep 06 (yn Saesneg). Cyrchwyd 2024-09-11.