Jim Webb
Chwaraewr rygbi o Loegr a chwaraeodd dros Gymru oedd Alfred James Webb (23 Tachwedd 1882 - 29 Gorffennaf 1955) yn chwaraewr rygbi'r undeb Cymreig [1] Chwaraeodd rygbi clwb i Abertyleri, a rygbi sirol i Sir Fynwy. Enillodd 20 cap dros Gymru, ac roedd yn rhan o dîm teithiol Ynysoedd Prydain i Dde Affrica ym 1910.[2]
| Jim Webb | |
|---|---|
.png) | |
| Ganwyd | Gorffennaf 1878  Coleford |
| Bu farw | 29 Gorffennaf 1955 Swydd Gaerloyw |
| Dinasyddiaeth | y Deyrnas Unedig, Teyrnas Unedig Prydain Fawr ac Iwerddon |
| Galwedigaeth | chwaraewr rygbi'r gynghrair, chwaraewr rygbi'r undeb |
| Chwaraeon | |
| Tîm/au | Clwb Rygbi Abertyleri, St Helens RLFC, Tîm rygbi'r undeb cenedlaethol Cymru, Y Llewod Prydeinig a Gwyddelig |
| Safle | Clo |
Cefndir
golyguGanwyd Webb yn West Dean, Swydd Gaerloyw, yn blentyn i Charles Webb, glöwr a Sarah Ann (née Frowen) ei wraig. Pan oedd Jim tu 3 mlwydd oed symudodd y teulu i Abertyleri.[3] Mewn cyfnod lle'r oedd rygbi yn gêm amatur roedd yn ennill ei fywoliaeth yn gweithio yn y pwll glo.[4] Ym 1914 priododd Mary Bowdler o Westbury-on-Severn, Swydd Gaerloyw. Bu iddynt ddwy ferch. Bu farw yn Ruspidge, Swydd Gaerloyw yn 72 mlwydd oed a chladdwyd ei weddillion ym mynwent Eglwys Sant Ioan, Cinderford.[5]
Roedd Webb yn flaenwr cryf a oedd yn rhan o dri thîm a enillodd Y Goron Driphlyg i Gymru. Enillodd 19 cap yn olynol. Ar 22 Rhagfyr 1908,[6] bu Webb yn gapten ar dîm Abertyleri yn erbyn tîm teithiol cyntaf Awstralia. Bu'r gêm yn gyfartal ar dri phwynt yr un,[7] ond mae'r gêm yn dal i gael ei gofio fel un o'r diwrnodau mwyaf yn hanes y clwb. [8]
Mae Webb yn cael ei gofio fel sgrymiwr pwerus, yn gryf yn y llinell a'r sgarmesau. Dyn cymedrol, balch a herfeiddiol o ffyddlon ydoedd. [8]
Gyrfa ryngwladol
golyguAr ôl perfformiad cryf yn erbyn y daith o amgylch De Affrica gyda thîm Sir Fynwy, cafodd Webb ei gapio dros Gymru yn erbyn yr Alban ym mis Chwefror 1907. Byddai'n chwarae i Gymru 19 gwaith arall. Roedd ei gêm olaf yn erbyn yr Alban ym 1912 lle arweiniodd y pac mewn buddugoliaeth gyffrous. Er gwaetha'r fuddugoliaeth roedd y dewiswyr yn teimlo bod Webb yn rhy hen ac yn rhy araf a chafodd ei ollwng o'r garfan genedlaethol wedi hynny. Bu dadl rhwng Webb a detholwyr Undeb Rygbi Cymru am y modd cafodd ei ollwng a phenderfynodd Webb i droi ei gefn a rygbi'r undeb. Ymunodd â thîm rygbi'r gynghrair, St. Helens,[9] ond dim ond pum gêm chwaraeodd gyda'r i'r tîm. [10]
Gemau rhyngwladol
golyguCymru [11]
Awstralia 1908,
Lloegr 1908, 1909, 1910, 1911, 1912
Ffrainc 1908, 1909, 1910, 1911
Iwerddon 1908, 1909, 1910, 1911
yr Alban 1907, 1908, 1909, 1910, 1911, 1912
Ynysoedd Prydain
De Affrica 1910 (x3)
-
Abertyleri, Pencampwyr Cynghrair Rygbi Sir Fynwy 1905-06
Mae Webb yn yr ail res yn sefyll o flaen y ddau swyddog sy'n gwisgo hetiau a thu ôl i'r chwaraewr efo'r bêl.
Llyfryddiaeth
golygu- Smith, David; Williams, Gareth (1980). Fields of Praise: The Official History of The Welsh Rugby Union. Caerdydd: Gwasg Prifysgol Cymru. ISBN 0-7083-0766-3.
- Thomas, Wayne (1979). A Century of Welsh Rugby Players. Ansells Ltd.
Cyfeiriadau
golygu- ↑ Jim Webb player profile Scrum.com
- ↑ Pearce, Walter Alfred (1910-06-30). "FOOTBALL ABROAD". Evening Express. Cyrchwyd 2021-05-13.
- ↑ Yr Archif genedlaethol Cyfrifiad 1891Abertyleri Cyf RG12/4353; Ffolio: 93; Tud: 49
- ↑ Yr Archif genedlaethol Cyfrifiad 1901: Abertyleri Cyf RG13/4935; Ffolio: 130; Tud: 34
- ↑ Archifau Swydd Gaerloyw; Caerloyw, Swydd Gaerloyw; Cofrestrau Plwyf Eglwys Loegr Swydd Gaerloyw; Rhif Cyfeirnod: P85 / 1
- ↑ Pearce, Walter Alfred (1907-02-02). "New Welsh Cap". Evening Express. Cyrchwyd 2021-05-13.
- ↑ Pearce, Walter Alfred (1908-12-22). "DRAWN BATTLE WITH THE WALLABIES". Evening Express. Cyrchwyd 2021-05-13.
- ↑ 8.0 8.1 Thomas (1979), tud 47.
- ↑ "Sporting Paragraphs" Nottingham Evening Post 21 Hydref 1912 tud 8
- ↑ Thomas (1979), tud 48.
- ↑ Smith (1980), tud 473.