John J. Pershing

Cadfridog o'r Unol Daleithiau oedd John Joseph Pershing (13 Medi 1860 – 15 Gorffennaf 1948) a ddyrchafwyd yn Gadfridog y Byddinoedd, y rheng uchaf erioed ym Myddin yr Unol Daleithiau. Efe oedd cadlywydd y Llu Alldeithiol Americanaidd (AEF)—y fyddin Americanaidd yn Ewrop—yn ystod y Rhyfel Byd Cyntaf.

John J. Pershing
Y Cadfridog John J. Pershing yn ei wisg filwrol, gyda'i fedalau o ymgyrchoedd yr Indiaid, Sbaen, a'r Philipinau ar ei frest.
Llais	Pershing - Address from France.ogg
Ganwyd	13 Medi 1860  Laclede
Bu farw	15 Gorffennaf 1948  Washington
Dinasyddiaeth	Unol Daleithiau America
Alma mater	Academi Filwrol yr Unol Daleithiau Coleg Rhyfel UDA Prifysgol Nebraska-Lincoln Truman State University University of Nebraska–Lincoln College of Law
Galwedigaeth	swyddog milwrol, cyfreithiwr
Swydd	Chief of Staff of the United States Army, Chief of Staff of the United States Army
Cyflogwr	Academi Filwrol yr Unol Daleithiau
Priod	Helen Frances Warren, Micheline Resco
Plant	Warren Pershing
Gwobr/au	Uwch Groes y Lleng Anrhydedd, Gwobr Pulitzer am Hanes, Grand Cross of the Order of the Bath, Silver Star, Medal Aur y Gyngres, Urdd Mihangel Ddewr, Knight Commander of the Military Order of Savoy, Distinguished Service Cross, Medal Gwasanaethau Difreintiedig, Medal Victoria, Urdd Tywysog Danilo I, Urdd y Gwaredwr, Uwch Cordon Urdd Leopold, Urdd dros ryddid, Médaille militaire, Croix de guerre, Grand cross of the Order of the White Lion, Czechoslovak War Cross 1918, Military Order of Italy, Urdd y Seintiau Maurice a Lasarus, Urdd yr Haul, Urdd y Wawr, Urdd Seren Karađorđe, Marchog Urdd Polonia Restituta, Commander of the Order of Military Virtue, Silver Cross of the Virtuti Militari
llofnod

Ganed ef ym Missouri, a graddiodd o Academi Filwrol West Point ym 1886. Brwydrodd yn erbyn llwythau'r Americanwyr Brodorol yn Ne Orllewin yr Unol Daleithiau o 1886 i 1898. Yn y cyfnod hwnnw, gweithiodd hefyd yn gyfarwyddwr milwrol ym Mhrifysgol Nebraska o 1891 i 1895, ac yno enillodd radd yn y gyfraith. Gwasanaethodd yn lefftenant ar 10fed Gatrawd y Marchfilwyr, uned o Americanwyr Affricanaidd, ac o'r herwydd enillodd y llysenw "Black Jack". Brwydrodd yn yr ymgyrch ger Santiago, Ciwba, yn y Rhyfel Sbaenaidd–Americanaidd (1898). Treuliodd bedair mlynedd yn y Philipinau, a llwyddodd i ostegu Gwrthryfel y Moro. Cafodd ei gefnogi ar gyfer swydd brigadydd gan yr Arlywydd Theodore Roosevelt, a fe'i dyrchafwyd i'r rheng honno ym 1906. Dychwelodd i'r Philipinau hyd at 1913.

Arweiniodd "yr Alldaith Gosb" i chwalu ysbeilwyr Pancho Villa ym 1916, yn ystod Chwyldro Mecsico. Wedi i'r Unol Daleithiau ymuno â'r Rhyfel Mawr yn Ewrop, ar ochr y Cynghreiriaid, ym 1917, penodwyd Pershing i reoli'r Llu Alldeithiol Americanaidd ar Ffrynt y Gorllewin. Gwasanaethodd yn Bennaeth Staff y Fyddin o 1921 i 1924. Ysgrifennodd sawl llyfr am yr AEF, gan gynnwys ei hunangofiant, My Experiences in the World War (1935), a enillodd iddo Wobr Pulitzer.

Gweithiau

• A Complete History of the World War: General Pershing's Own Story of the Operation of the American Expeditionary Forces in France and Belgium (Chicago: C. Thomas Company, 1919).
• General Pershing's Official Story of the American Expeditionary Forces in France (Efrog Newydd: Sun Sales Corporation, 1919).
• General Pershing's Story of the American Army in France (Efrog Newydd: J. H. Eggers, 1919).
• My Experiences in the World War (Efrog Newydd: Frederick A. Stokes, 1931).

Darllen pellach

• Donald Smyth, Guerrilla Warrior: The Early Life of John J. Pershing (Efrog Newydd: Scribner's, 1973).
• Donald Smyth, Pershing: General of the Armies (Bloomington, Indiana: Indiana University Press, 1986).
• Frank E. Vandiver, Black Jack: The Life and Times of John J. Pershing, 2 gyfrol (College Station, Texas: Texas A&M University Press, 1977).