John Jones Jenkins

John Jones Jenkins
John Jones Jenkins
Ganwyd	10 Mai 1835
Bu farw	27 Gorffennaf 1915
Dinasyddiaeth	Cymru
Galwedigaeth	gwleidydd
Swydd	Aelod o 26ain Senedd y Deyrnas Unedig, Aelod o 23ain Senedd y Deyrnas Unedig, Aelod o 22ain Senedd y Deyrnas Unedig
Plaid Wleidyddol	Plaid Ryddfrydol
Tad	Jenkin Jenkins
Mam	Sarah Jones
Priod	Margaret Rees, Catherine Daniel
Plant	Elaine Bathurst, Lady Bledisloe, Olga Violet Jenkins
Gwobr/au	Marchog Faglor

Roedd John Jones Jenkins, Barwn 1af Glantawe (10 Mai 1835 – 27 Gorffennaf 1915) yn wneuthurwr tunplat o Gymru a gwleidydd Rhyddfrydol a chynrychiolodd etholaeth Bwrdeistref Caerfyrddin yn Senedd y Deyrnas Unedig.^[1]

Cefndir

Roedd Jenkins yn fab i Jenkin Jenkins, Treforys a Sarah Jones ei wraig.

Roedd yn gyd-sylfaenydd a rheolwr Gweithfeydd Tunplat Beaufort yn Nhreforys ym 1859 ac yn gysylltiedig â Gweithfeydd Tunplat Fforest Uchaf.

Gyrfa wleidyddol

Bu Jenkins yn Ynad Heddwch dros Abertawe a Sir Gaerfyrddin ac yn Faer Abertawe dair gwaith, ym 1869, 1879 a 1880. Urddwyd ef yn farchog 17 Mai 1882. Safodd yn aflwyddiannus fel Rhyddfrydwr annibynnol^[2] dros Bwrdeistref Caerfyrddin yn etholiad cyffredinol 1880 ond cipiodd y sedd fel Ryddfrydwr swyddogol mewn isetholiad ym 1882 gan ddal y sedd tan 1886. Ym 1889 fe wasanaethodd fel Uchel Siryf Morgannwg. Cafodd ei ethol i gynrychioli Caerfyrddin eto ym 1895, fel Unoliaethwr Rhyddfrydol a daliodd y sedd hyd 1900. Ar 18 Gorffennaf 1906 fe'i codwyd i'r bendefigaeth fel Barwn Glantawe o Abertawe yn Sir Forgannwg.

Bywyd Personol

Priododd Arglwydd Glantawe yn gyntaf a Margaret Rees, merch Josiah Rees, ar 20 Ionawr, 1854 a chawsant ddau fab, ond bu farw'r ddau fab cyn eu tad. Priododd eilwaith a Chatherine Prudence Daniel, merch Edward Daniel, ar 10 Mai 1864 yn Llansamlet, a chawsant ddwy ferch.

Bu farw Arglwydd Glantawe yn 'The Grange', West Cross, Abertawe yn 80 mlwydd oed ac fe'i claddwyd ym Mynwent Ystumllwynarth. Bu farw'r farwniaeth gydag ef.

Galeri

Portread o J. J. Jones

Cyfeiriadau

↑ Herald of Wales, 31 Gorffennaf 1915, Biographical Sketch [1] adalwyd 12 mawrth 2015
↑ Llanelli Star, 21 Gorffennaf 1917, The Boroughs [2] adalawyd 12 mawrth 2015

Senedd y Deyrnas Unedig
Rhagflaenydd: Benjamin Thomas Williams	Aelod Seneddol Bwrdeistref Caerfyrddin 1882 – 1886	Olynydd: Arthur Cowell-Stepney
Senedd y Deyrnas Unedig
Rhagflaenydd: Evan Rowland Jones	Aelod Seneddol Bwrdeistref Caerfyrddin 1895 – 1900	Olynydd: Alfred Davies

[1] Herald of Wales, 31 Gorffennaf 1915, Biographical Sketch [1] adalwyd 12 mawrth 2015

[2] Llanelli Star, 21 Gorffennaf 1917, The Boroughs [2] adalawyd 12 mawrth 2015

[1]

[2]