Agor y brif ddewislen

John Mills (Ieuan Glan Alarch)

gweinidog gyda"r Methodistiaid Calfinaidd a cherddor

Cerddor ac awdur Cymreig oedd John Mills (19 Rhagfyr 181228 Gorffennaf 1873), a adnabyddir gan amlaf wrth ei enw barddol Ieuan Glan Alarch.

John Mills
Ganwyd 19 Rhagfyr 1812 Edit this on Wikidata
Llanidloes Edit this on Wikidata
Bu farw 28 Gorffennaf 1873 Edit this on Wikidata (60 oed)
Llundain Edit this on Wikidata
Dinasyddiaeth Baner Cymru Cymru
Galwedigaeth Awdur, Cenhadwr Edit this on Wikidata

BywgraffiadGolygu

Roedd yn frodor o Lanidloes, ym Maldwyn, Powys. Ar ôl treulio ei ieuenctid yn ei fro enedigol daeth yn weinidog a bu'n gwasanaethu yn Rhuddlan, Sir Ddinbych ac, yn ddiweddarach, yn Llundain, Lloegr.

Tra yn Llundain ymgymerodd â gwaith cenhadol ymysg yr Iddewon yno. Sbardunodd hynny ddiddordeb mewn hanes yr Iddewon yng ngwledydd Prydain a'r ffrwyth oedd cyfrolau megis Iddewon Prydain (1852) a British Jews (1853).

Yng Nghymru fe'i cofir yn bennaf fel awdur ar bynciau cerddorol a gyhoeddodd sawl cyfrol megis Gramadeg Cerddoriaeth (1838) ac Elfennau Cerddorol (1848), wedi'u hanelu at ddarllenwyr ymysg y werin bobl. Ef a sefydlodd y cylchgrawn diwylliannol Y Beirniadur Cymreig hefyd, yn 1845; cyfrannodd sawl erthygl iddo.

LlyfryddiaethGolygu

  • Gramadeg Cerddoriaeth (1838)
  • Y Cerddor Eglwysig (1846)
  • Y Salmydd Eglwysig (1847)
  • Elfennau Cerddorol (1848)
  • Iddewon Prydain (1852)
  • British Jews (1853)
  • Y Cerddor Dirwestol (1855)

FfynhonnellGolygu