Jonathan Pryce
Actor a chanwr o Gymru ydy Syr Jonathan Pryce KBE (ganwyd 1 Mehefin 1947)[1] o Dreffynnon, Sir y Fflint. Ar ôl iddo astudio yn RADA a phriodi'r actores Wyddelig Kate Fahy ym 1974, dechreuodd ei yrfa fel actor llwyfan yn ystod y 1970au. Arweiniodd ei waith yn y theatr iddo dderbyn mwy o rôlau cefnogol mewn ffilmiau ac ar y teledu. Daeth ei berfformiad sgrîn fawr mwyaf arwyddocaol yn ffilm gwlt Terry Gilliam Brazil (1985).
| Jonathan Pryce | |
|---|---|
 | |
| Ganwyd | John Price  1 Mehefin 1947 Carmel |
| Man preswyl | Llundain |
| Dinasyddiaeth |  Cymru |
| Alma mater | |
| Galwedigaeth | actor teledu, actor ffilm, actor llwyfan, byrfyfyriwr, actor |
| Priod | Kate Fahy |
| Partner | Kate Fahy |
| Gwobr/au | Gwobr Laurence Olivier, CBE, Gwobr y 'Theatre World', Gwobr Tony am yr Actor Gorau mewn Drama, Gwobr Tony am Actor Gorau mewn Sioe Gerdd, Drama Desk Award for Outstanding Actor in a Musical, Gwobr Gwyl Ffilmiau Cannes i'r Actor Gorau |
Mae Pryce wedi serennu mewn nifer o ffilmiau cyllid uchel, fel Evita, Tomorrow Never Dies, Pirates of the Caribbean a The New World, yn ogystal â phrosiectau annibynnol fel Glengarry Glen Ross a Carrington. Mae ei yrfa ym myd y theatr hefyd wedi bod yn llwyddiannus, gan ennill dwy Wobr Tony - y cyntaf ohonynt ym 1977 am ei berfformiad cyntaf ar Broadway yn "Comedians", a'r ail am ei ran fel "y Peiriannydd" yn y sioe gerdd Miss Saigon.
Yn 2015, roedd Pryce yn actor gwadd ar gyfres HBO Game of Thrones yn chwarae'r cymeriad The High Sparrow cyn dod yn actor rheolaidd ar y gyfres yn 2016.
Fe'i urddwyd yn farchog yn Rhestr Anrhydeddau Pen-blwydd y Frenhines 2021, am wasanaeth i Ddrama a Gwaith Elusennol.[2]
Theatr (anghyflawn)
golyguFfilmiau (anghyflawn)
golygu- Something Wicked this Way Comes (1983) fel Mr. Dark
- Brazil (1985) fel Sam Lowry
- Consuming Passions (1988) fel Mr Farris
- The Adventures of Baron Munchhausen (1988) fel Right Ordinary Horatio Jackson
- Barbarians at the Gate (1993) fel Henry Kravis
- Carrington (1995) fel Lytton Strachey
- Evita (1996) fel Juan Perón
- Regeneration (1997) fel Dr William Rivers
- Tomorrow Never Dies (1997) fel Elliot Carver
- Ronin (1998) fel Seamus
- Pirates of the Caribbean: The Curse of the Black Pearl (2003) fel Weatherby Swann
- The Brothers Grimm (2005) fel Vavarin Delatombe
- Pirates of the Caribbean: Dead Man's Chest (1997) fel Weatherby Swann
- Pirates of the Caribbean: At World's End (1998) fel Weatherby Swann
- Save the Cinema (2022) fel Mr Morgan
Cyfeiriadau
golygu- ↑ Chase's Calendar of Events 2020: The Ultimate Go-to Guide for Special Days, Weeks and Months (yn Saesneg). Bernan Press. 2019. t. 304. ISBN 9781641433167.
- ↑ Queen's Birthday Honours List 2021: All the Welsh people honoured , WalesOnline, 11 Mehefin 2021. Cyrchwyd ar 20 Mehefin 2021.