L'Orient-Le Jour
Papur newyddion annibynnol yn yr iaith Ffrangeg a gyhoeddir yn Libanus yw L'Orient-Le Jour.
.svg) | |
|---|---|
| Math | Papur newydd dyddiol |
| Golygydd | Nagib Aoun |
| Sefydlwyd | 1971 |
| Pencadlys | Beirut |
| Gwefan swyddogol | www.lorientlejour.com/ |
Cafodd ei lawnsio ar 1 Medi, 1970, pan unwyd dau hen bapur newyddion Libanaidd, L'Orient (sefydlwyd yn Beirut yn 1923, gan Gabriel Khabbaz et Georges Naccache) a Le Jour (sefydlwyd yn 1935, gan Michel Chiha).
Mae'r colofnwyr rheolaidd yn cynnwys rhai o feddylwyr, haneswyr, llenorion a newyddiadurwyr mwyaf eu parch yn y Libanus gyfoes. Yn ogystal ag erthyglau ar wleidyddiaeth Libanus, y byd Arabaidd a'r byd ehangach, ceir tudalennau ar ddiwylliant, chwaraeon, yr economi, busnes, y llwyfan, y cyfryngau torfol, a hamdden.
Cyhoeddir L'Orient-Le Jour ym Meirwt. L’Orient-Le Jour yw'r unig bapur newydd Ffrangeg bellach yn Libanus a'r Lefant (ac eithrio'r Aifft). O ran ei werthiant, mae'n drydydd o blith holl bapurau Libanus (gan gynnwys papurau Arabeg a Saesneg).
Mae'r apapur yn aelod o'r Arab Press Network, rhwydwaith sy'n hyrwyddo gwasg gryf annibynnol yn y byd Arabaidd.
Dolen allanol golygu
- (Ffrangeg) Gwefan argraffiad ar-lein y papur