Maes Awyr Y Trallwng
Lleolir Maes Awyr y Trallwng 2 filltir i'r de o dref y Trallwng, ym Mhowys, Cymru.
| Math | maes awyr  |
|---|---|
| Daearyddiaeth | |
| Sir | Y Trallwng |
| Gwlad |  Cymru |
| Uwch y môr | 71 metr |
| Cyfesurynnau | 52.6294°N 3.1525°W |
 | |
| Maes Awyr y Trallwng | |||
|---|---|---|---|
| IATA: dim – ICAO: EGCW | |||
| Crynodeb | |||
| Perchennog | Linda Jones | ||
| Rheolwr | Mid Wales Airport Ltd. | ||
| Gwasanaethu | Y Ganolbarth,Sir Amwythig | ||
| Lleoliad | Y Trallwng, Powys | ||
| Adeiladwyd | 1990 | ||
| Uchder | 223 tr / 71 m | ||
| Gwefan | |||
| Lleiniau glanio | |||
| Cyfeiriad | Hyd | Arwyneb | |
| tr | m | ||
| 04/22 | 1,023 | 3,346 | Tarmac |
Mae ganddo trwyddeb CAA (Rhif P865) sy'n caniatáu hedfan i gludo teithwyr cyhoeddus neu hyfforddiant hedfan, fel yr awdurdodir gan y dalwr trwyddeb, Mid Wales Airport Ltd.. Mae'r maes awyr hefyd yn drwyddedig am ddefnydd gyda'r nos. Mae ganddo tŵr rheoli sy'n cynnig gwasanaeth cynghorol awyr/tir yn ystod y dydd.
Mae nifer o ysgolion hedfan gyda sail yn y maes awyr, gan gynnwys ysgol hedfan hofrennydd.
Hanes
golyguSefydlwyd y maes awyr ym 1990 gan ffermwr lleol, Bob Jones. Roedd e eisoes wedi gwneud llain laswellt ar ei dir ffermio yn Nhrehelig ym 1987. Fe'i uwchraddiwyd i redfa tarmac llawn ym 1990, pan ddatganodd y Bwrdd Datblygu Dros Gymru Wledig ei ddiddordeb mewn creu maes awyr yn y Ganolbarth er mwyn cefnogi busnesau lleol. [1]
Estynwyd y rhedfa eto yn 2004 gan 190 metr ar ei phen de-orllewinol, er mwyn gallu derbyn awyrennau busnes mwy.[2]
Bu farw Mr Jones yn 2012 mewn damwain hedfan gyda pheilot arall pan aeth eu hawyren mewn cwmwl a tharo coed ar ben allt gerllaw y maes awyr.[3] Cymerodd ei angladd lle yn y dref, gyda gorymdaith ar hyd y rhedfa, a hofrenydd yr ambiwlans awyr yn hedfan dros yr eglwys fel arwydd o barch. [4]
Ambiwlans Awyr
golyguMae Ambiwlans Awyr Cymru yn defnyddio Maes Awyr y Trallwng fel un o'i bedair canolfan ar draws y wlad.[5] Mae'n gweithredu un hofrennydd Airbus H145 yn y Trallwng, gyda chofrestriad G-WOBR, ac arwydd galw "Helimed 59".
Er bod Ambiwlans Awyr Cymru yn gweithredu trwy'r nos gydag un hofrenydd yng Nghaerdydd, oherwydd rhesymau gweithredol, mae G-WOBR dim ond yn gallu hedfan yn ystod oriau golau dydd.[6]
Cyfeiriadau
golygu- ↑ "History". Mid Wales Airport. Cyrchwyd 17 Awst 2023.
- ↑ "Fears about airport expansion" (yn Saesneg). 2003-12-02. Cyrchwyd 2023-08-17.
- ↑ "Piper PA-31-325 Navajo C/R, G-BWHF, 18 January 2012". Air Accidents Investigations Branch. 10 Rhagfyr 2014. Cyrchwyd 17 Awst 2023.
- ↑ "Public tributes for airport founder Bob Jones in Welshpool". BBC News (yn Saesneg). 2012-02-09. Cyrchwyd 2023-08-17.
- ↑ "Ein Canolfannau Awyr". Awyr Ambiwlans Cymru. Cyrchwyd 17 Awst 2023.
- ↑ "The New 24/7 Wales Air Ambulance". Ambiwlans Awyr Cymru. Cyrchwyd 17 Awst 2023.