Malcolm Browne
Newyddiadurwr a ffotograffydd Americanaidd oedd Malcolm Wilde Browne (17 Ebrill 1931 - 27 Awst 2012). Tynnodd y llun enwog o'r mynach Bwdhaidd Thích Quảng Ðức yn hunanlosgi yn Saigon ym 1963.[1]
| Malcolm Browne | |
|---|---|
 | |
| Ganwyd | 17 Ebrill 1931  Dinas Efrog Newydd |
| Bu farw | 27 Awst 2012 Hanover, Lebanon |
| Dinasyddiaeth | Unol Daleithiau America |
| Alma mater |
|
| Galwedigaeth | newyddiadurwr, ffotograffydd |
| Gwobr/au | Gwobr George Polk, World Press Photo of the Year, Pulitzer Prize for International Reporting, James T. Grady-James H. Stack Award for Interpreting Chemistry |
Gweithiodd fel gohebydd i'r Associated Press (AP) yn Fietnam yn y 1960au, gan adrodd ar yr argyfwng Bwdhaidd ac yn hwyrach Rhyfel Fietnam. Roedd yn rhan o garfan o newyddiadurwyr, gan gynnwys Peter Arnett a David Halberstam, a gafodd ffrae yng Ngorffennaf 1963 gyda heddlu cudd Ngô Đình Nhu. Enillodd Wobr Pulitzer ym 1964 am ei adroddiadau o Fietnam.[2] Ar ôl gadael yr AP, ymunodd â The New York Times ym 1968 a gweithiodd fel gohebydd rhyfel a thramor i'r papur hwnna am y 30 mlynedd nesaf.
Ym 1993, cyhoeddwyd ei hunangofiant Muddy Boots and Red Socks. Bu farw Browne o glefyd Parkinson.
Cyfeiriadau
golygu- ↑ (Saesneg) Pyle, Richard (28 Awst 2012). Burning-monk photographer Malcolm Browne dies. Associated Press. Google News. Adalwyd ar 28 Awst 2012.
- ↑ (Saesneg) Vietnam war reporter Malcolm Browne dies. BBC (28 Awst 2012). Adalwyd ar 28 Awst 2012.