Martyn Lloyd-Jones

Gweinidog, meddyg ac awdur oedd David Martyn Lloyd-Jones (20 Rhagfyr 1899 – 1 Mawrth 1981) a oedd yn hynod o ddylanwadol yn y mudiad Efengylaidd yng ngwledydd Prydain yn yr 20g. Bu'n gweinidogaethu mewn capel yn Llundain am bron i 30 mlynedd. Gwrthwynebai Gristnogaeth Ryddfrydol yn gryf iawn a chefnogai Efengylwyr Anglicanaidd a ddymunai adael eu henwad. Credai mai dim ond drwy ddod at ei gilydd oedd gwir gymrodaeth (neu frawdgarwch) Cristnogol yn bosibl.

Martyn Lloyd-Jones
Ganwyd	20 Rhagfyr 1899  Caerdydd
Bu farw	1 Mawrth 1981  Ealing
Dinasyddiaeth	Cymru
Alma mater	Prifysgol Llundain Ysgol Gynradd Llangeitho Ysgol Uwchradd Tregaron Ysbyty St Bartholomeus Barts and The London School of Medicine and Dentistry St Marylebone Grammar School
Galwedigaeth	diwinydd, gweinidog yr Efengyl, meddyg
Plant	Elizabeth Lloyd-Jones

Y blynyddoedd cynnar

Yng Nghaerdydd y ganwyd Lloyd-Jones a chafodd ei fagu yn Llangeitho, Ceredigion. Groser oedd ei dad ac roedd gan Lloyd-Jones ddau frawd. Yn Llangeitho, y bu gweinidogaeth Daniel Rowland, ac roedd y pentref yn fan canolog yn y Diwygiad Methodistaidd. Bu'n ddisgybl mewn ysgol ramadeg yn Llundain rhwng 1914 ac 1917 cyn treulio amser fel myfyriwr meddygol yn Ysbyty Bartholomew. Derbyniodd radd feddygol MD o Brifysgol Llundain, a daeth yn Aelod o Goleg Brenhinol y Ffisegwyr. Am ddwy flynedd teimlodd yr alwad i ddychwelyd i Gymru i bregethu ac ildiodd i'r alwad honno yn 1927 gyda'i briod newydd Bethan (nee Phillips). Yn ddiweddarach cawsant ddau o blant: Elizabeth ac Ann. Derbyniodd wahoddiad i weinidogaethu mewn eglwys yn Aberafon, Porth Talbot.