Mervyn Johns

Actor cymeriad theatr, ffilm a theledu o Gymru oedd David Mervyn Johns (18 Chwefror 1899 - 6 Medi 1992). Daeth yn seren ffilmiau Prydeinig yn ystod yr Ail Ryfel Byd a'r cyfnod wedi'r rhyfel. Roedd yn un o brif gynheiliaid ffilmiau Ealing Studios.

Mervyn Johns
Johns yn The Halfway House (1944)
Ganwyd	18 Chwefror 1899  Penfro
Bu farw	6 Medi 1992  Northwood
Dinasyddiaeth	Cymru
Alma mater	Royal Academy of Dramatic Art
Galwedigaeth	actor, actor ffilm, actor teledu
Tad	William Johns
Mam	Margaret Anne Samuel
Priod	Diana Churchill, Alyce Steele-Wareham
Plant	Glynis Johns

Cefndir

Ganwyd Johns ym Mhenfro yn fab i William Johns, casglwr treth y tlodion a Margaret Ann, ei wraig. Roedd wedi bwriadu hyfforddi fel meddyg ond torrodd y Rhyfel Byd Cyntaf ar draws ei gynlluniau. Bu'n gwasanaethu fel aelod o'r Corfflu Hedfan Brenhinol (rhagflaenydd yr Awyrlu Brenhinol). Ar ôl y rhyfel aeth I RADA i hyfforddi'n actor.

Roedd Johns yn frawd i'r academydd o Rhydychen, Howard Johns, a ddaeth yn rheithor dau o blwyfi sir Swydd Rydychen, ac yn ewythr i'r barnwr John Geoffrey Jones.

Gyrfa

Dechreuodd Mervyn Johns ei yrfa yn y theatr yn y 1920au, cyn gwneud ei ffilm gyntaf ym 1934. Ymhlith dwsinau o'i rolau ffilm oedd warden yr eglwys yn Went the Day Well? (1942), y pensaer ofnys Walter Craig yn y ffilm ddirgelwch Dead of Night (1945) a Bob Cratchit yn Scrooge (1951) gydag Alastair Sims. Gwnaeth Johns lawer o ymddangosiadau teledu hefyd, mewn cyfresi fel The Avengers, Danger Man a Dixon of Dock Green. Roedd yn adnabyddus am chware dynion bach bach eiddil, ofnus, difyr ond yn aml deimladwy mewn dros 100 o ffilmiau a rhaglenni teledu..

Teulu

Roedd Johns ddwywaith yn briod. Ei wraig gyntaf oedd y pianydd cyngerdd Alys Steele. Bu iddynt un ferch, yr actores Glynis Johns, a aned yn Ne Affrica, â ymddangos gyda'i thad yn y ffilmiau The Halfway House (1944) a The Sundowners (1960). Ar ôl marwolaeth Alys ym 1970, priododd Johns yr actores Diana Churchill ym 1976.

Marwolaeth

Bu Johns farw yn Northwood, Middlesex yn 93 mlwydd oed.

Ffilmograffi

• Lady in Danger (1934) yn chware rhan gohebydd
• The Guv'nor (1935) yn chware rhan rheolwr banc (heb gredyd)
• Foreign Affaires (1935) yn chware rhan cyfieithydd llys
• Pot Luck (1936) yn chware rhan gwyliwr nos (heb gredyd)
• In the Soup (1936) yn chware rhan Meakin (heb gredyd)
• Everything Is Thunder (1936) yn chware rhan Karl (heb gredyd)
• Dishonour Bright (1936) yn chware rhan gwerthwr cardiau post (heb gredyd)
• Song of the Forge (1937) (heb gredyd)
• Storm in a Teacup (1937) yn chware rhan beili llys (heb gredyd)
• Night Ride (1937) yn chware rhan glöwr (heb gredyd)
• The Last Curtain (1937) yn chware rhan Hemp
• Almost a Gentleman (1938) yn chware rhan Percival Clicker
• Jamaica Inn (1939) yn chware rhan Thomas yng ngiang Syr Humphrey
• The Midas Touch (1940) (heb gredyd)
• Convoy (1940) yn chware rhan His Mate
• Girl in the News (1940) yn chware rhan James Fetherwood
• Saloon Bar (1940) yn chware rhan Wickers
• The Next of Kin (1942) yn chware rhan No 23: Mr Davis
• The Foreman Went to France (1942) yn chware rhan Swyddog ffiniau (heb gredyd)
• Went the Day Well? (1942) yn chware rhan Charlie Sims
• The Bells Go Down (1943) yn chware rhan Sam
• My Learned Friend (1943) yn chware rhan Grimshaw
• San Demetrio London (1943) yn chware rhan Greaser John Boyle
• The Halfway House (1944) yn chware rhan Rhys
• Twilight Hour (1945) yn chware rhan Major John Roberts
• Dead of Night (1945) yn chware rhan Walter Craig
• Pink String and Sealing Wax (1945) yn chware rhan Mr. Sutton
• They Knew Mr. Knight (1946) yn chware rhan Tom Blake
• The Captive Heart (1946) yn chware rhan Pte. Evans
• Captain Boycott (1947) yn chware rhan Watty Connell
• Easy Money (1948) yn chware rhan Herbert Atkins
• Counterblast (1948) yn chware rhan Dr. Bruckner the Beast of Ravensbruck
• Quartet (1948) yn chware rhan Samuel Sunbury
• Edward, My Son (1949) yn chware rhan Harry Sempkin
• Helter Skelter (1949) yn chware rhan Ernest Bennett
• Diamond City (1949) yn chware rhan Hart
• Tony Draws a Horse (1950) yn chware rhan Alfred Parsons
• Scrooge (1951) yn chware rhan Bob Cratchit
• The Magic Box (1951) yn chware rhan Goitz
• The Tall Headlines (1952) yn chware rhan Uncle Ted
• The Oracle (1953) yn chware rhan Tom Mitchum
• Valley of Song (1953) yn chware rhan Parch Griffiths
• The Master of Ballantrae (1953) yn chware rhan MacKellar
• Romeo and Juliet (1954) yn chware rhan Ffreier Laurence
• The Blue Peter (1955) yn chware rhan Captain Snow
• 1984 (1956) yn chware rhan Jones
• The Intimate Stranger (1956) yn chware rhan Ernest Chaple
• Moby Dick (1956) yn chware rhan Peleg
• Find the Lady (1956) yn chware rhan Hurst
• The Counterfeit Plan (1957) yn chware rhan Louie Bernard
• Doctor at Large (1957) yn chware rhan Smith
• The Vicious Circle (1957) yn chware rhan Dr. George Kimber
• The Surgeon's Knife (1957) yn chware rhan Mr. Waring
• The Gypsy and the Gentleman (1958) yn chware rhan Brook
• The Devil's Disciple (1959) yn chware rhan Parch Maindeck Parshotter
• Danger List (1959) yn chware rhan Mr. Ellis
• Once More, with Feeling! (1960) yn chware rhan Mr. Wilbur Jr.
• Never Let Go (1960) yn chware rhan Alfie Barnes
• The Sundowners (1960) yn chware rhan Jack Patchogue, maer Cawndilla
• No Love for Johnnie (1961) yn chware rhan Charlie Young
• The Rebel (1961) yn chware rhan Rheolwr galeri yn Llundain
• Francis of Assisi (1961) yn chware rhan Y Brawd Juniper
• The Day of the Triffids (1962) yn chware rhan Mr. Coker
• 55 Days at Peking (1963) yn chware rhan Gweinidog
• 80,000 Suspects (1963) yn chware rhan Buckridge
• The Old Dark House (1963) yn chware rhan Potiphar Femm
• The Victors (1963) yn chware rhan Dennis
• A Jolly Bad Fellow (1964) yn chware rhan Willie Pugh-Smith
• The Heroes of Telemark (1965) yn chware rhan Col. Wilkinson
• Who Killed the Cat? (1966) yn chware rhan Henry Fawcett
• The National Health (1973) yn chware rhan Rees
• House of Mortal Sin (1976) yn chware rhan Y Tad Duggan

Dolen allanol

Mervyn Johns ar IMDb