Nahwatleg

Iaith yn perthyn i deulu yr ieithoedd Uto-Aztecaidd yw Nahwatleg (yn dod o nāhua-tl, "sain glir neu ddymunol" a tlahtōl-li, "iaith"). Fe'i siaredir ym Mecsico yn bennaf, gyda rhai siaradwyr yn yr Unol Daleithiau a rhai o wledydd canolbarth America. Nahwatleg yw'r iaith frodorol gyda'r nifer fwyaf o siaradwyr ym Mecsico, gyda thua miliwn a hanner o siaradwyr. Mae'r rhan fwyaf o'r rhain yn ddwyieithog ynghyd â Sbaeneg. Ceir nifer o dafodieithoedd gwahanol.

Nahwatleg

Enghraifft o'r canlynol	iaith
Math	ieithoedd Nahwatl
Rhan o	ieithoedd Mecsico
Enw brodorol	Nawatlahtolli
Nifer y siaradwyr	1,925,620 (2015)
cod ISO 639-2	nah
Gwladwriaeth	Mecsico, El Salfador
System ysgrifennu	yr wyddor Ladin
Corff rheoleiddio	Instituto Nacional de Lenguas Indígenas
Ffeiliau perthnasol ar Gomin Wicimedia

Nahwatleg oedd lingua franca Ymerodraeth yr Aztec o'r 13g hyd ei chwymp yn 1521. Parhaodd yr iaith i ledaenu hyd yn oed ar ôl y goncwest Sbaenaidd, oherwydd defnyddid hi gan genhadon ac eraill. Dechreuwyd defnyddio yr wyddor Ladin ar gyfer ysgrifennu'r iaith, a chyhoeddwyd y llyfr argarffedig cyntaf ynddi, Doctrina cristiana breve traducida en lengua mexicana, gan Alonso de Molina yn 1546.

Daw geiriau megis "tomato" a "siocled" o'r iaith Nahwatleg.

Ardaloedd o siaradwyr Nahwatleg ym Mecsico:
gwyrdd = cyn y goncwest Sbaenaidd; coch = heddiw