Olwen Rees
Actores a chantores o Gymraes yw Olwen Eluned Rees (ganwyd 8 Rhagfyr 1945).[1]
| Olwen Rees | |
|---|---|
| Ganwyd | 1945  |
| Dinasyddiaeth |  Cymru |
| Galwedigaeth | actor, canwr |
| Mam | Sassie Rees |
| Priod | Johnny Tudor |
Bywgraffiad golygu
Ganwyd Olwen Rees yng Nghaernarfon yn ferch i Sassie Rees, cantores oedd yn ymddangos ar raglenni radio i blant yn y 1950au a 1960au. Fe astudiodd drama a cherddoriaeth yng Ngholeg y Normal, Bangor. Ar ôl blwyddyn yn dysgu yn Llandudno dilynodd Olwen ôl-traed ei mam drwy ddod yn actores a chantores broffesiynol.
Mae hi'n briod a'r actor a chantor Johnny Tudor.[2]
Gyrfa golygu
Mae wedi ymddangos yn nifer o gynyrchiadau Cymraeg ar gyfer y BBC a S4C yn cynnwys Y Stafell Ddirgel, Y Rhandir Mwyn, Gwen Tomos a Y Wisg Sidan. Yn Saesneg mae wedi cymryd rhan yn rhaglenni teledu Tartuffe, Strife, Sticky Wicket, Lloyd George a Dylan i'r BBC a Fallen Hero ar gyfer Granada. Yn fwy diweddar mae wedi ymddangos fel Mrs Hargreaves yn Doctors a Nerys, y fam annifyr yn My Family.
Rhwng 2003 a 2014 roedd yn chwarae rhan Lena yn y sebon i bobl ifanc Rownd a Rownd. Fe chwaraeodd ran Muriel yng nghyfres Porthpenwaig a Beti Morris yng nghyfres cyntaf y ddrama 35 Diwrnod.
Mae hi'n aelod sylfaen o gwmni Theatr Pena ac yn gadeirydd y bwrdd.[3]
Cyfeiriadau golygu
- ↑ Manylion cyfarwyddwr Ty'r Cwmniau. FindTheCompany. Adalwyd ar 20 Mai 2016.
- ↑ Proffil Theatr Pena[dolen marw]; Adalwyd ar 2015-12-02
- ↑ Theatr Pena - Who we are. Adalwyd ar 20 Mai 2016.
Dolenni allanol golygu
- Olwen Rees ar wefan Internet Movie Database
- CV yn asiantaeth Cinel GabranArchifwyd 2016-03-05 yn y Peiriant Wayback.
- CV ar wefan Spotlight
- Theatr Pena Archifwyd 2016-03-03 yn y Peiriant Wayback.