Paul Panton

Noddwr llenyddiaeth Gymraeg a hynafiaethydd o Gymru oedd Paul Panton (4 Mai 1727 - 24 Mai 1797). Cafodd ei eni ym Magillt, ger Treffynnon, Sir y Fflint, ond ymgartrefodd ym Mhlas Gwyn, Môn.

Paul Panton
Ganwyd	4 Mai 1727 (yn y Calendr Iwliaidd)  Bagillt
Bu farw	24 Mai 1797
Dinasyddiaeth	Cymru
Alma mater	Ysgol Westminster Neuadd y Drindod Lincoln's Inn
Galwedigaeth	bargyfreithiwr, hynafiaethydd
Plant	Paul Panton, Jones Panton

Hynafiaethydd a noddwr

Roedd yn gyfaill i'r hynafiaethydd Thomas Pennant. Er yn ddi-Gymraeg ei hun, treuliodd ran helaeth ei fywyd yn ymchwilio i lenyddiaeth Gymraeg a chasglu llawysgrifau Cymreig. Roedd yn noddi'r bardd a hynafiaethydd Evan Evans (Ieuan Fardd) a chafodd ei lawysgrifau a'i nodiadau ar ei farwolaeth yn 1788. Cafodd yn ogystal gyfran fawr o bapurau a llawysgrifau Wynniaid Gwydir. Ef oedd noddwr y bardd Dafydd Ddu Eryri.

Enw ei fab hefyd oedd Paul Panton, ac ef a roddodd gymorth i Owain Myfyr a William Owen Pughe olygu'r Myvyrian Archaiology of Wales. Cyflwynir y gyfrol gyntaf iddo fel diolch am gael ymweld â'i lyfrgell.

Cedwir llawysgrifau Panton yn Llyfrgell Genedlaethol Cymru, Aberystwyth, er 1914.

Cyfeiriadau

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.