Ricardo Piglia

Awdur straeon byrion a nofelau yn yr iaith Sbaeneg, beirniad llenyddol, ac academydd o'r Ariannin oedd Ricardo Piglia (24 Tachwedd 1941 – 6 Ionawr 2017) sy'n nodedig am gyflwyno ffuglen hard-boiled i lên yr Ariannin.

Ricardo Piglia
Ganwyd	24 Tachwedd 1941  Adrogué
Bu farw	6 Ionawr 2017  o sglerosis ochrol amyotroffig  Buenos Aires
Dinasyddiaeth	yr Ariannin
Alma mater	Universidad Nacional de La Plata
Galwedigaeth	llenor, newyddiadurwr, sgriptiwr, beirniad llenyddol
Cyflogwr	Prifysgol Buenos Aires Prifysgol Harvard Prifysgol Princeton
Adnabyddus am	Respiración artificial, Burnt Money
Arddull	rhyddiaith
Gwobr/au	City of Barcelona Award, Gwobr Formentor, Gwobr Narratif Ibero-Americanaidd Manuel Rojas, José María Arguedas Prize, Gwobr Rómulo Gallegos, Roger Caillois Prix, Premio Iberoamericano de Letras José Donoso, Cymrodoriaeth Guggenheim, diamond Konex award, Prif Anrhydedd y SADE
llofnod

Astudiodd ym Mhrifysgol Genedlaethol La Plata yn 1961–62. Cyhoeddodd ei gasgliad cyntaf o straeon byrion, La invasión, yn 1967. Roedd yn hoff iawn o ffuglen dditectif boblogaidd, er iddo ddefnyddio themâu deallusol a chyfeiriadau cymhleth yn ei straeon ei hun. Ymhlith ei weithiau eraill mae'r casgliadau Nombre falso (1975), Prisión perpetua (1988), a Cuentos morales (1995), a'r nofelau Respiración artificial (1980), La ciudad ausente (1992), a Blanco nocturno (2010).

Ysgrifennodd hefyd am hanes llenyddiaeth a diwylliant poblogaidd, gan gynnwys gweithiau am Jorge Luis Borges, Roberto Arlt, Julio Cortázar, a Manuel Puig. Hyrwyddodd Serie Negra, cyfres o gyfieithiadau Sbaeneg o straeon hard-boiled Americanaidd. Addysgodd mewn sawl prifysgol, gan gynnwys Harvard a Princeton yn yr Unol Daleithiau.