Robert Wiliam
Roedd Robert Wiliam, (tua 1743—Medi 1815) o'r Pandy Isaf, Rhiwedog, y Bala yn amaethwr a bardd.[1] Bron y cwbl a wyddys am ei fywgraffiad yw ei gofnod claddu ym mynwent Plwyf Llanfor Robert William Pandy September 2nd 1815 aged 72[2]
| Robert Wiliam | |
|---|---|
| Ganwyd | 1744  Cymru |
| Bu farw | Awst 1815 Llanfor |
| Dinasyddiaeth |  Cymru |
| Galwedigaeth | bardd, ffermwr |
| Mae gan Wicidestun destun sy'n berthnasol i'r erthygl hon: |
Mae Owen Morgan Edwards yn awgrymu bod Huw Rolant wedi bod yn athro barddol iddo a bod Ioan Tegid wedi bod yn ddisgybl barddol iddo.
Mae rhai o'i gerddi wedi eu cadw yn y llyfr Beirdd y Bala, Cyfres y Fil.
Er gwaethaf y diffyg gwybodaeth amdano, Robert Wiliam oedd awdur un o'r llinellau cynghanedd mwyaf enwog y Gymraeg, a daeth yn ddihareb ac yn slogan Cymdeithas y Beibl yng Nghymru. Llinell olaf Englyn yn ei Awdl i'r Beibl:
Llyfr doeth yn gyfoeth i gyd,—wych lwyddant
A chleddyf yr ysbryd,
A gair Duw Nef yw hefyd,
Beibl i bawb o bobl y byd[3].
Cyfeiriadau golygu
- ↑ "WILLIAM(S), ROBERT (1744 - 1815), bardd, amaethwr | Y Bywgraffiadur Cymreig". bywgraffiadur.cymru. Cyrchwyd 2022-10-22.
- ↑ Gwasanaethau Archifau Cymru, Cofrestr Claddu Plwyf Llanfor Cofnod Rhif 85, Tudalen 11, 1815
- ↑ Beirdd y Bala Y Beibl, ar Wicidestun