Roger Mortimer, Barwn 1af Mortimer

Un o Arglwyddi'r Mers ac aelod o deulu pwerus Mortimer oedd Roger Mortimer (1231 – 30 Hydref 1282), Barwn 1af Mortimer.

Roger Mortimer, Barwn 1af Mortimer
Ganwyd	1231
Bu farw	1282
Dinasyddiaeth	Lloegr
Galwedigaeth	gwleidydd
Tad	Ralph de Mortimer
Mam	Gwladus Ddu
Priod	Maud de Braose
Plant	Edmund Mortimer, Isabella Mortimer, Roger de Mortimer, Margaret de Mortimer, Sir Ralph Mortimer, Sir William Mortimer, Sir Geoffrey Mortimer
Llinach	Teulu Mortimer

Ganed ef yn 1231, yn fab i Ralph de Mortimer a'i wraig Gwladus Ddu, merch Llywelyn Fawr. Yn 1256 aeth Roger i ryfel yn erbyn Llywelyn ap Gruffydd am feddiant o arglwyddiaeth Gwrtheyrnion, ymladd a fyddai'n parhau yn ysbeidiol hyd farwolaeth yn ddau yn 1282. Ymladdodd dros Harri III, brenin Lloegr yn erbyn Simon de Montfort ym Mrwydr Lewes, pan orchfygwyd y bewnin gan de Montfort. Yn 1265 cynorthwyodd Mortimer i achub y Tywysog Edward o afael de Montfort, a gwnaethant gynghrair yn ei erbyn. Ymladdodd Morimer ym Mrwydr Evesham pan orchfygwyd de Montfort.

Plant

Priododd Mortimer Maud de Braose, un o ferched Gwilym Brewys, yn 1247. Cawsant nifer o blant:

1. Ralph Mortimer, bu farw 1276.
2. Edmund Mortimer, 2il Farwn Mortimer (1251-1304)
3. Isabella Mortimer, bu farw 1292.
4. Margaret Mortimer, bu farw 1297.
5. Roger Mortimer o'r Waun, bu farw 1326.
6. Geoffrey Mortimer
7. William Mortimer