Maud de Braose

Uchelwraig Seisnig oedd Maud de Braose, Baroness Mortimer neu Matilda de Braose (1224 – ychydig cyn 23 Mawrth 1301) ac aelod o deulu pwerus de Braos (Cymreigiad: Brewys), a oedd yn berchen llawer o dir Arglwyddiaethau'r Mers. Ei gŵr oedd Roger Mortimer, Barwn 1af Mortimer, milwr enwog a barwn.

Maud de Braose
Mynedfa adfeilion Castell Wigmore, Swydd Henffordd a fu'n gartef i Maud a Roger Mortimer.
Ganwyd	1224  Cymru
Bu farw	23 Mawrth 1301  Swydd Henffordd
Tad	Gwilym Brewys
Mam	Eva Marshal
Priod	Roger Mortimer, Barwn 1af Mortimer
Plant	Edmund Mortimer, Roger de Mortimer, Isabella Mortimer, Margaret de Mortimer, Sir Ralph Mortimer, Sir William Mortimer, Sir Geoffrey Mortimer
Llinach	Teulu Mortimer

Roedd Maud a'i theulu'n deyrngar iawn i frenin Lloegr yn ystod Ail Ryfel y Barwniaid, a chynllwyniodd i ryddhau'r Tywysog Edward o grafangau Simon de Montfort, 6ed iarll Swydd Gaerlŷr.

Plentyndod

Cafodd ei geni yng Nghymru yn 1224, yr ail ferch i'r arglwydd William de Braose (neu yn Gymraeg Gwilym Brewys) ac Eva Marshal. Roedd ganddi dair chwaer: Isabella (gwraig Dafydd ap Llywelyn), Eva (gwraig William de Cantilupe) ac Eleanor (gwraig Humphrey de Bohun). Pan oedd yn chwech oed, ar 2 Mai 1230 crogwyd ei thad gan y Tywysog Llywelyn Fawr am iddo gael affêr efo'i wraig Siwan. Ei thaid ar ochr ei mam oedd William Marshal, Iarll 1af Penfro.

Gweler hefyd

• Siwan, drama Saunders Lewis