Agor y brif ddewislen
Arfbais Gwilym Brewys gan Mathew Paris: Party per pale indented gules ac azure. Y Llyfrgell Brydeinig, MS Royal 14 C VII f. 116.

Arglwydd y Fenni, Brycheiniog, yn ne-ddwyrain Cymru oedd y Normaniad Gwilym Brewys neu William de Braose (11973 Mai 1230). Gelwyd ef gan y Cymry gyda'r enw Gwilym Ddu.[1]

Roedd yn fab i Reginald de Braose. Cafodd garwriaeth gudd â Siwan, gwraig Llywelyn ap Iorwerth a merch y brenin John o Loegr, a arweiniodd at ei grogi gan y tywysog, efallai yng Nghrogen, ger Y Bala, yn 1230.

Mae drama fydryddol Saunders Lewis, Siwan, yn seiliedig ar y digwyddiad.

Cynnwys

Priodi a phlantGolygu

 
Corffddelw Eve de Braose; yn Eglwys y Santes Fair, y Fenni.

Priododd Gwilym Eva Marshal, Barwnes y Fenni a merch William Marshal, Iarll 1af Penfro a chawsant bedwar o blant:

  1. Isabella de Braose (ganwyd tua 1222), gwraig y Tywysog Dafydd ap Llywelyn
  2. Maud de Braose (ganwyd tua 1224 – 1301), gwraig Roger Mortimer, Barwn 1af Wigmore
  3. Eleanor de Braose (ganwyd tua 1226 – 1251), gwraig Humphrey de Bohun a mam Humphrey de Bohun, 3ydd Iarll Henffordd.
  4. Eve de Braose (ganwyd tua 1227 – Gorffennaf 1255), gwraig William de Cantelou.

Gweler hefydGolygu

CyfeiriadauGolygu

  1. Y Bywgraffiadur Cymreig; adalwyd 3 Mai 2016

Cysylltiad allanolGolygu

     Eginyn erthygl sydd uchod am hanes Cymru. Gallwch helpu Wicipedia drwy ychwanegu ato.