Sarmatiaid

Roedd y Sarmatiaid, Sarmatae neu Sauromatae (Hen Roeg: Σαρμάται, Σαυρομάται) yn gydffederasiwn enfawr o bobl o dras Iranaidd hynafol a ymfudodd o Ganolbarth Asia i ardal Mynyddoedd yr Wral tua'r 5 CC. Ceir cyfeiriad atynt gan Herodotus yn y cyfnod yma.

Sarmatiaid

Enghraifft o'r canlynol	grwp ethnig hanesyddol
Math	llwyth
Rhan o	Pobl o Iran
Yn cynnwys	Aorsen, Iazyges, Siraces, Alans, Roxolani, Saka
Gwladwriaeth	Sarmatia, Sgythia
Ffeiliau perthnasol ar Gomin Wicimedia

"Sarmatia Europæa" wedi ei rhannu oddi wrth "Sarmatia Asiatica" gan Afon Tanais (Afon Don yn Rwsia heddiw). Map o tua 1770, yn seiliedg ar yr haneswyr Groegaidd.

Pan oedd eu tiriogaeth ar ei fwyaf, roedd yn ymestyn o Afon Fistula hyd aber Afon Donaw ac o wlad yr Hyperboreaid yn y gogledd hyd at y Môr Du a Môr y Caspian a'r ardal rhyngddynt cyn belled a Mynyddoedd y Cawcasws. Mae'r darganfyddiadau mwyaf nodedig o feddau ac olion eraill wedi eu gwneuf yn Krasnodar Krai yn Rwsia.

Roedd y Sarmatiaid yn perthyn yn agos i'r Scythiaid. Bu cryn lawer o ymladd rhyngddynt hwy a'r Ymerodraeth Rufeinig, ac yn y 4g gwnaethant gynghrair a'r Hyniaid.