Wicipedia

Stadiwm 974

stadiwm

Stadiwm pêl-droed yn Ras Abu Aboud, Doha, Qatar yw Stadiwm 974 (Arabeg: استاد 974‎) neu Stadiwm Ras Abu Aboud gynt. Fe'i hagorwyd 30 Tachwedd 2021 ac mae'n lleoliad dros dro wedi'i wneud o 974 o gynwysyddion llongau wedi'u hailgylchu a fydd yn cynnal gemau yn ystod Cwpan y Byd FIFA 2022, ac ar ôl hynny bydd yn cael ei ddatgymalu. Dyma'r lleoliad dros dro cyntaf yn hanes Cwpan y Byd FIFA .

Stadiwm Ras Abu Aboud
Mathstadiwm, association football pitch Edit this on Wikidata
Agoriad swyddogol2021 Edit this on Wikidata
Sefydlwyd
  • 30 Tachwedd 2021 Edit this on Wikidata
Daearyddiaeth
LleoliadRas Abu Aboud Edit this on Wikidata
SirDoha Edit this on Wikidata
GwladBaner Qatar Qatar
Cyfesurynnau25.288695°N 51.566465°E Edit this on Wikidata
Map
[golygwch ar Wicidata]

Dylunio ac adeiladu golygu

Dyluniwyd y stadiwm gan Fenwick Iribarren Architects. [1] [2] Mae'r stadiwm wedi'i adeiladu ar safle 450,000 metr sgwâr ar benrhyn artiffisial. Mae ganddo ddyluniad modiwlaidd, ac mae'n cynnwys 974 o gynwysyddion llongau (Saesneg: shipping containers) wedi'u hailgylchu yn deyrnged i hanes diwydiannol y safle a chod deialu rhyngwladol Qatar sef (+974). [3] Mae rhai o'r cynwysyddion yn gartref i gyfleusterau stadiwm fel ystafelloedd ymolchi. [3] Bydd y cynwysyddion llongau a'r seddi a ddefnyddir gan y stadiwm yn cael eu datgymalu'n ddiweddarach a'u rhoi'n rhodd i wledydd eraill; dyma'r lleoliad dros dro cyntaf yn hanes Cwpan y Byd FIFA. [4] [5]

Mae'r stadiwm yn un o wyth sydd wedi cael eu haddasu ar gyfer Cwpan y Byd FIFA 2022. [6] Dechreuodd y broses gaffael ar gyfer trawsnewid y stadiwm yn 2017. Bu HBK Contracting Company (HBK), [7] DCB-QA, Time Qatar, Fenwick Iribarren Architects (FI-A), Schlaich Bergermann Partner a Hilson Maron yn gweithio ar godi'r stadiwm hwn.[8] [9]

Datgelodd ymchwiliad yn 2021 gan The Guardian fod dros 6500 o weithwyr mudol o Bangladesh, India, Pacistan, Nepal a Sri Lanka wedi marw rhwng 2010 a 2020 wrth adeiladu lleoliadau Cwpan y Byd yn Qatar. [10] Ar 23 Chwefror 2021, rhyddhaodd Construction News adroddiad a ddatgelodd nad yw cofnodion marwolaeth yn cynnwys galwedigaeth na gweithle. [11] Ym mis Mai 2015, cyhoeddodd The Washington Post erthygl ddiwygiedig yn nodi adroddiad gan lywodraeth Qatar. [12] Yr yn yr adroddiad dywed llywodraeth Qatar nad oes bywyd un gweithiwr wedi’i golli o ganlyniad i'r gwaith adeiladu ar gyfer Cwpan y Byd 2022, tra bod yr ymchwiliad gan The Guardian yn cysylltu rhai marwolaethau â’r gwaith adeiladu. [13]

Hanes golygu

Enw gwreiddiol y stadiwm oedd Stadiwm Ras Abu Aboud ond ystod digwyddiad lansio ar 20 Tachwedd 2021 ailenwyd y lleoliad yn swyddogol yn Stadiwm 974. [3] Cynhaliwyd y gêm gyntaf yn Stadiwm 974 ar 30 Tachwedd 2021 ar ddiwrnod agoriadol Cwpan Arabaidd FIFA 2021, rhwng yr Emiraethau Arabaidd Unedig a Syria . [14] Cynhaliodd y stadiwm bum gêm yn ystod y twrnamaint. [15]

Cwpan y Byd FIFA 2022 golygu

Bydd saith gêm yn cael eu cynnal yn Stadiwm 974 yn ystod Cwpan y Byd FIFA 2022.

Dyddiad Tîm #1 Canlyniad Tîm #2 Rownd Presenoldeb
22 Tachwedd 2022   Mecsico -   Gwlad Pwyl Grŵp C
24 Tachwedd 2022   Portiwgal -   Ghana Grŵp H
26 Tachwedd 2022   Ffrainc -   Denmarc Grŵp D
28 Tachwedd 2022   Brasil -   Y Swistir Grŵp G
30 Tachwedd 2022   Gwlad Pwyl -   Yr Ariannin Grŵp C
2 Rhagfyr 2022   Serbia -   Y Swistir Grŵp G
5 Rhagfyr 2022 Enillwyr Grŵp G - Ail yn Grŵp H Rownd yr 16

Ar ôl Cwpan y Byd FIFA 2022 golygu

Disgwylir i'r stadiwm gael ei ddatgymalu ar ôl Cwpan y Byd FIFA 2022. Wedyn, mae cynlluniau i gludo ac ailadeiladu’r stadiwm yn Maldonado, Uruguay i gynnal gemau ar gyfer Cwpan y Byd FIFA 2030 os bydd cais y wlad yn llwyddiannus. [16]

Cyfeiriadau golygu

  1. ↑ "A Modular, Demountable Stadium Built From Shipping Containers Will Be Erected for Qatar 2022 World Cup". archdaily.com. 28 November 2017. Cyrchwyd 14 October 2021.
  2. ↑ "Stadium 974". stadiumdb.com. Cyrchwyd 21 April 2022.
  3. ↑ 3.0 3.1 3.2 "Demountable stadium built with shipping containers reaches completion in Qatar". Dezeen (yn Saesneg). 2021-11-24. Cyrchwyd 2022-01-06. Gwall cyfeirio: Tag <ref> annilys; mae'r enw ":0" wedi'i ddiffinio droeon gyda chynnwys gwahanol
  4. ↑ "Stadium 974 in Doha Container becomes icon". moresports.network. 9 February 2022. Cyrchwyd 14 April 2022.
  5. ↑ "Ras Abu Aboud Stadium Makes Steady Progress". albawaba.com. 26 August 2020. Cyrchwyd 12 January 2021.
  6. ↑ "Why will Ras Abu Aboud Stadium be dismantled after 2022 FIFA World Cup?". iloveqatar.net. 12 November 2020. Cyrchwyd 4 October 2021.
  7. ↑ "Qatari firm wins contract for Ras Abu Aboud World Cup Stadium". thepeninsulaqatar.com. 29 May 2018. Cyrchwyd 7 October 2021.
  8. ↑ "Ras Abu Aboud Stadium, Doha, Qatar". designbuild-network.com. 20 June 2018. Cyrchwyd 14 April 2022.
  9. ↑ "Qatar unveils designs for Ras Abu Aboud while Khalifa Stadium gets 4-stars". inhabitat.com. 28 November 2017. Cyrchwyd 7 October 2021.
  10. ↑ "Revealed: 6,500 migrant workers have died in Qatar since World Cup awarded". TheGuardian.com. 23 February 2021.
  11. ↑ Garner-Purkis, Zak (2021-02-23). "Qatar migrant death rate revealed: 'more than 6,500 workers die since World Cup win'". Construction News (yn Saesneg). Cyrchwyd 2022-11-01.
  12. ↑ Ingraham, Christopher (27 May 2015). "(UPDATED) The toll of human casualities in Qatar". Washington Post.
  13. ↑ "Death toll among Qatar's 2022 World Cup workers revealed". the Guardian (yn Saesneg). 2014-12-23. Cyrchwyd 2022-11-01.
  14. ↑ "UAE vs. Syria". Soccerway. 30 November 2021. Cyrchwyd 21 April 2022.
  15. ↑ "2021 FIFA Arab Cup: Participating teams, fixtures and all you need to know". Goal.com. 18 December 2021. Cyrchwyd 21 April 2022.
  16. ↑ Mundial 2030: Qatar ofreció a Lacalle Pou estadio construido con 974 contenedores y que es desmontable
Wedi dod o "https://cy.wikipedia.org/w/index.php?title=Stadiwm_974&oldid=12276101"