Stadiwm Parc Jenner
Jenner Park yw'r prif stadiwm chwaraeon yn y Barri, Bro Morgannwg, a chartref traddodiadol clwb pêl-droed, Barry Town United a C.P.D. Merched Tref y Barri Unedig.
 | |
| Math | stadiwm pêl-droed  |
|---|---|
| Agoriad swyddogol | 1913 |
| Sefydlwyd |
|
| Daearyddiaeth | |
| Sir | Bro Morgannwg |
| Gwlad |  Cymru |
| Cyfesurynnau | 51.4108°N 3.2653°W |
 | |
Trosolwg
golyguLleolir Parc Jenner ar dir rhwng Heol Gladstone a Heol y Barri ac mae wedi bod y dyst i esblygiad pêl-droed clwb lefel uchel yn y Barri am fwy na 100 mlynedd, yn ogystal â chynnal athletau, rasio milgwn ac atyniadau eraill dros y degawdau.
Wedi'i enwi ar ôl y teulu Jenner, a roddodd y tir, adeiladwyd y maes gan selogion pêl-droed y Barri er mwyn i'w tîm gystadlu ar y lefel uchaf bosibl ac fe'i cwblhawyd rhwng cyfarfod pwysig ym 1912 a gêm agoriadol tymor 1913–14.
Ymhlith y gemau mwyaf nodedig y Barri a chwaraewyd ym Mharc Jenner mae cysylltiadau Ewropeaidd, rowndiau terfynol cwpan domestig, gemau Cwpan Lloegr, gemau a ddarlledwyd ar y teledu a gemau tysteb. Chwaraewyd rownd derfynol Cwpan Cynghrair Cymru 2018–19 ar y maes rhwng Prifysgol Fetropolitan Caerdydd a Cambrian & Clydach Vale B. & GC gyda’r Met yn ennill 2–0. Mae gemau rhyngwaldol wedi eu cynnal ar y maes, gan gynnwys gemau Cymru Dan 21 a thîm Cymru C.
Roedd dwy eisteddle pren i ddechrau, yna ychwanegwyd terasau banc poblogaidd ym 1923 ac ychwanegwyd llifoleuadau yn y 1940au, gan ganiatáu i Barc Jenner gynnal y gêm bêl-droed gyntaf erioed o dan lifoleuadau yng Nghymru rhwng y Barri a Chasnewydd yn ystod tymor 1949-50 .
Yn ystod yr 1980au, ailadeiladodd y cyngor lleol Barc Jenner, gan osod trac rhedeg synthetig, stand newydd seddi'n unig a gwell llifoleuadau. Yna, er mwyn sicrhau bod Parc Jenner yn bodlonnisafonau UEFA, adeiladwyd ail stand â tho yng nghanol y 1990au, gan olygu bod bellach 2,500 o seddi. Cynyddwyd hyn i dros 6,000 ar gyfer ymweliadau Aberdeen a Manchester United ym 1996 gan ddefnyddio seddi dros dro y tu ôl i'r ddwy gôl; ni chaniateir hyn mwyach.
Yn ystod y blynyddoedd diwethaf, ychwanegwyd man gwylio arbennig ar gyfer defnyddwyr cadeiriau olwyn yn y prif eisteddle (a elwir yn lleol yn 'Old Stand' ), y gellir ei gyrraedd drwy fynedfa Devon Avenue i'r stadiwm. Yn fwy diweddar, ym mis Awst 2015, gwnaed gwaith ar osod cae 3G newydd o'r radd flaenaf, a gwblhawyd ym mis Hydref 2015. Roedd rheolwr Cymru, Chris Coleman, wrth law ar gyfer yr agoriad swyddogol.
Rasio milgwn
golyguYm 1928 ceisiodd y clwb pêl-droed ddod â rasio milgwn i Barc Jenner, ond gwrthododd y cyngor y cynlluniau a gyflwynwyd gan yr Henadur-Gynghorydd CB Griffiths OBE. Fodd bynnag, ar 26 Awst 1932 pasiwyd y cynlluniau o'r diwedd er gwaethaf gwrthwynebiad gan y clerigwyr lleol. Cynhaliwyd y cyfarfod cyntaf ar 3 Medi 1932.[1] Fe wnaeth yr elw a grëwyd gan y rasio alluogi goroesiad y tîm pêl-droed yn ystod cyfnod main i'r clwb cyn yr Ail Ryfel Byd . Ar ôl y rhyfel prynwyd Parc Jenner gan Gymdeithas Milgwn Cymru (WGA)[2] am £5,000 gyda'r amod y gallai pêl-droed barhau. Cafodd y tîm pêl-droed denantiaeth am ddim a slot dydd Sadwrn ar gyfer eu gemau. Newidiodd y berchnogaeth i Gymdeithas Milgwn Aberdâr ym mis Gorffennaf 1955, ac yn ystod yr un flwyddyn daeth y tir i feddiant y cyngor a roddodd ddiwedd ar y rasio milgwn.
Gweler hefyd
golygu- Rhestr o stadia yng Nghymru yn ôl capasiti
Cyfeiriadau
golygu- ↑ Barnes, Julia (1988). Daily Mirror Greyhound Fact File. Ringpress Books. t. 410. ISBN 0-948955-15-5.
- ↑ Particulars of Licensed tracks, table 1 Licensed Dog Racecourses. Licensing Authorities. 1947.