Crai Stavropol

Baner Crai Stavropol.

Lleoliad Crai Stavropol yn Rwsia.

Un o ddeiliaid ffederal Rwsia yw Crai Stavropol (Rwseg: Ставропо́льский край, Stavropolsky kray; 'Stavropol Krai'). Canolfan weinyddol y crai (krai) yw dinas Stavropol. Poblogaeth: 2,786,281 (Cyfrifiad 2010).

Lleolir y crai yn rhanbarth gweinyddol Dosbarth Ffederal Gogledd y Cawcasws, yn ne Rwsia. Mae'n gorwedd yn rhan ogleddol Mynyddoedd y Cawcasws. Llifa Afon Kuma ac Afon Kuban drwy'r ardal ac mae mwyafrif y boblogaeth yn byw yn nyffrynnoedd y ddwy afon hyn. Mae'r crai yn ffinio gyda Oblast Rostov, Crai Krasnodar, Gweriniaeth Kalmykia, Gweriniaeth Dagestan, Gweriniaeth Tsietsnia, Gweriniaeth Gogledd Ossetia–Alania, Gweriniaeth Kabardino-Balkar, a Gweriniaeth Karachay–Cherkess.

Sefydlwyd Crai Stavropol ar 10 Ionawr, 1934, yn yr hen Undeb Sofietaidd.

Gweler hefyd

• Mynyddoedd y Cawcasws

Dolenni allanol

• (Rwseg) Gwefan swyddogol y crai

Mae gan Gomin Wikimedia
gyfryngau sy'n berthnasol i:

Crai Stavropol

Eginyn erthygl sydd uchod am Rwsia. Gallwch helpu Wicipedia drwy ychwanegu ato.