Thomas Lloyd Jones (Gwenffrwd)
Bardd o Gymro oedd Thomas Lloyd Jones (1810 – 16 Awst 1834), a oedd yn fwy adnabyddus wrth ei enw barddol Gwenffrwd. Roedd yn llenor addawol ond bu farw'n ifanc.
Thomas Lloyd Jones | |
---|---|
Ffugenw | Gwenffrwd ![]() |
Ganwyd | 1810 ![]() Ysgeifiog ![]() |
Bu farw | 16 Awst 1834 ![]() Spring Hill ![]() |
Dinasyddiaeth | ![]() |
Galwedigaeth | bardd ![]() |
Bywgraffiad
golyguGanwyd ef yn Nhreffynnon, Sir y Fflint, yn 1810. Clerc yn swyddfa cyfreithiwr lleol oedd ar ddechrau ei yrfa. Dechreuodd gyfansoddi cerddi yn ifanc, gan ddewis yr enw barddol 'Gwenffrwd' ar ôl Gwenffrwd, nawddsantes ei dref enedigol. Cyn ei fod yn ugain oed, cyfansoddodd bryddest fuddugol ar y testun 'Llongdrylliad', gan guro rhai o feirdd mwyaf adnabyddus y cyfnod, a daeth hyn a'i enw i sylw'r cyhoedd.[1]
Symudodd i swyddfa cyfreithiwr arall, yn nhref Dinbych. Yn ystod ei dymor yno cyhoeddodd y gyfrol Ceinion Awen.[1]
Ond fel nifer o Gymry eraill yn y Gogledd, roedd amgylchiadau bywyd yn gwasgu arno ac fe symudodd i Lerpwl am gyfnod byr ac oddi yno ymfudodd i geisio gwaith yn yr Unol Daleithiau. Cychwynodd gawd ysgol yno ond bu farw o fewn ychydig o fisoedd o'r dwymyn felen yn nhloty'r plwyf, yn unig a heb gyfaill i'w ymgeledd.[1]
Yn ogystal a'i waith barddonol ei hun, cyfieithodd gerddi gan sawl llenor Saesneg, yn cynnwys darnau o waith Felicia Hemans a William Goldsmith.[1]
Mae gan Wicidestun destun sy'n berthnasol i'r erthygl hon: |