Thomas Wood (AS Sir Frycheiniog)
Roedd Thomas Wood (21 Ebrill 1777 – 26 Ionawr 1860) yn dirfeddiannwr ac yn wleidydd Torïaidd / Ceidwadol a fu'n cynrychioli Sir Frycheiniog yn Nhŷ'r Cyffredin rhwng 1806-1847.
| Thomas Wood | |
|---|---|
 | |
| Ganwyd | 21 Ebrill 1777  Westminster |
| Bu farw | 26 Ionawr 1860 |
| Alma mater | |
| Galwedigaeth | gwleidydd |
| Swydd | Aelod o 14eg Senedd y Deyrnas Unedig, Aelod o'r 13eg Senedd y Deyrnas Unedig, Aelod o 12fed Senedd y Deyrnas Unedig, Aelod o 11eg Senedd y Deyrnas Unedig, Aelod o 10fed Senedd y Deyrnas Unedig, Aelod o 3edd Senedd y Deyrnas Unedig, Aelod o 4edd Senedd y Deyrnas Unedig, Aelod o 5ed Senedd y Deyrnas Unedig, Aelod o 6ed Senedd y Deyrnas Unedig, Aelod o 7fed Senedd y Deyrnas Unedig, Aelod o 8fed Senedd y Deyrnas Unedig, Aelod o 9fed Senedd y Deyrnas Unedig |
| Plaid Wleidyddol | y Blaid Geidwadol, Tori |
| Plant | David Edward Wood |
Roedd Wood yn fab i Thomas Wood a Mary Williams ei wraig, merch ac aeres Syr Edward Williams o Gastell Llangoed. Derbyniodd ei addysg yn Ysgol Harrow (1788-1795) a Choleg Oriel, Rhydychen (1796). Roedd y teulu wedi caffael ar ystadau sylweddol yn Middleham, Swydd Efrog, Gwernyfed ac yn Littleton ac Astlam ym Middlesex.
Priododd ddwywaith; ei wraig gyntaf oedd y Ledi Caroline Stewart, merch Robert Stewart, Ardalydd 1af Londonderry; bu iddynt 4 mab a 2 ferch. Bu ei fab y Cyrnol Thomas Wood yn aelod seneddol dros Middlesex. Ei ail wraig oedd y Ledi Frances Pratt, merch Charles Pratt, Iarll 1af Camden.[1]
Yn 1806 etholwyd Wood yn aelod seneddol etholaeth Sir Frycheiniog. Daliodd y sedd hyd 1847.
Fe'i penodwyd yn Uchel Siryf Sir Frycheiniog ar gyfer 1809-10.[2]
Bu Wood a'i wraig yn gyfeillgar gydag aelodau'r teulu brenhinol. Bu Siôr IV yn ymweld â'r Woods yng Ngwernyfed a bu aelodau eraill y teulu yn ymwelwyd â hwy yn Littleton.
Bu farw yn 82 oed.
Cyfeiriadau golygu
- ↑ The History of Parliament online WOOD, Thomas (1777-1860), of Gwernyfed Park, Three Cocks, Brec. and Littleton Park, nr. Staines, Mdx. [1] adalwyd 20 Rhagfyr 2015
- ↑ Williams, William Retlaw; T20 The parliamentary history of the principality of Wales, from the earliesr times to the present day, 1541-1895 [2] adalwyd 20 Rhagfyr 2015
| Senedd y Deyrnas Unedig | ||
|---|---|---|
| Rhagflaenydd: Charles Gould Morgan |
Aelod Seneddol Sir Frycheiniog 1806 – 1847 |
Olynydd: Joseph Bailey |