Wicipedia:Wicibrosiect Wici Môn

Logo WiciMon

Croeso i dudalen Prosiect WiciMôn!

Y bwriad yw cyfoethogi a phoblogeiddio cynnwys yr Wicipedia Cymraeg er mwyn codi statws yr iaith Gymraeg yn genedlaethol ac yn rhyngwladol, a hynny drwy brosiect hanesyddol, gwyddonol, iethyddol, a fydd yn hybu trafod termau gwyddonol yn Gymraeg.

Partneriaid y prosiect hwn yw Llywodraeth Cymru, yr Eisteddfod Genedlaethol, Menter Môn a Wicimedia Cymru / Wikimedia UK. Penodwyd Aaron Morris fel swyddog y prosiect unigryw hwn, a bydd yn canolbwyntio ar sgiliau codio pobl ifanc Ynys Môn dros y ddwy flynedd nesaf.

Thomas Williams, Llanidan
Harbwr Amlwch
Melin Wynt Mynydd Parys
Bedd John Elias
Bryn Celli Ddu
Ffynnon Cyngar Llangefni
Ysgol Syr Thomas Jones
Castell Bryn-gwyn Ynys Môn
Traeth Rhosneigr
Dawnswyr Môn
Ynys y Fydlyn
Tŵr RAF Mona
Henblas, Llangristiolus
Capel Saron, Bodgadfa
Tŵr Ellin ac Ynys Lawd
Pont Aber Alaw
Pont Aberffraw
Eglwys Llanfaelog
Ynys Badrig
Ynys Seiriol
Ynys Dulas
Croes Llanddwyn
Ceffylau ar draeth Llanddwyn
Bwrdd Arthur
Afon Menai
Ogofau ym Mhorth Rhwydau
Pont Menai

Y prosiect

Robin Owain (Wici Cymru), Helen Williams (Menter Iaith Môn) ac Aaron Morris, Swyddog Prosiect WiciMôn

Erthygl ar y prosiect ar wefan Golwg360; 14 Mehefin 2017.

Gobeithiwn y bydd y prosiect yn creu mwynhad a gwefr drwy alluogi pobl ifanc i gynhyrchu deunyddiau gwyddonol Cymraeg fydd yn cael eu cyhoeddi ar Wicipedia, a thu hwnt. Er ei fod yn canolbwyntio ar Ynys Môn, y gobaith yw y bydd y cynnwys o ddefnydd cenedlaethol. Rheolir y prosiect gan Aaron Morris.

Yn sgil y prosiect hwn, fe fydd pobl ifanc yn cael y cyfle i ddysgu sgiliau newydd, a chymryd rhan mewn profiadau Cymraeg positif, a fydd wedyn yn cyfrannu tuag at eu datblygiad personol. Ein gobaith yw y byddant yn defnyddio eu sgiliau newydd, ac yn magu hyder gan fynd ati i gyfrannu at weithgareddau lleol a chymunedol eraill – byddwn yn parhau i’w cefnogi i fod yn arweinyddion yn eu hardaloedd lleol, a hyn drwy gydweithio â mudiadau a grwpiau perthnasol eraill i hyrwyddo cyfleon cymdeithasol a gwirfoddoli eraill sydd ar gael yn lleol.

Crynodeb weithredol - WiciMôn

Er mwyn cyflawni’r uchod, byddwn yn cynnal gweithdai gyda phobl ifanc i greu erthyglau, eitemau ffilm a radio a datblygu gwaith codio. Byddwn yn ysbrydoli’r rhai sy’n rhan o’r prosiect drwy weithdai gydag arbenigwyr perthnasol, er mwyn iddynt greu erthyglau/cynnwys cyfryngol. Bydd y prosiect yn weithredol drwy:

Roi hyfforddiant ac arweiniad i bobl ifanc greu ac ysgrifennu eu erthyglau eu hunain ar gyfer WiciMôn, is-brosiect sy’n rhan o’r Wicipedia Cymraeg. Bydd erthyglau yn dilyn pynciau STEM er mwyn rhoi ffocws i’r wybodaeth a gyflwynir, ond ni fydd yn gyfyngedig i’r pynciau hyn.

Bydd elfen ddigidol i’r prosiect yn caniatáu i’r bobl ifanc greu ffilmiau byrion ac eitemau radio. Mae pobl ifanc yn mwynhau gweithgareddau creadigol, ac yn cael gwefr o weld eu gwaith wedi ei gyhoeddi – yn enwedig ar y we.

Bydd y bobl ifanc yn cael hyfforddiant ar arweiniad ynglyn â thrwyddedau agored, ac yn cael dysgu sut i rannu gyda, neu gyfrannu at brosiectau Wicimedia (e.e. Comin, Wicipedia Cymraeg, Wicidata) ar drwydded agored addas Comin Creu (Creative Commons). Dysgir sut i wneud hyn ar ffurf ddigidol ffilm a chlipiau sain, eitemau radio, darnau ysgrifenedig a lluniau, fel bod gwybodaeth, dealltwriaeth a hanes yn cael ei rannu â phawb, er mwyn cyfoethogi defnydd o’r Gymraeg ar y safle.

O ganlyniad i’r uchod, fe fydd y bobl ifanc yn cael hyfforddiant uwchwlytho gwybodaeth i Wicipedia a bydd yn eu hannog a’u galluogi i ddod yn ddinasyddion Cymraeg hyderus sydd yn falch o’u treftadaeth.

Prosiect Wici YSGOL SYR THOMAS JONES, Amlwch

Ysgol Syr Thomas Jones
Porth Amlwch
Capel Mawr (Bethesda)
Ceiniog Parys
Mynydd Parys
Mynydd Parys
Anglesite
Thomas Williams,Llanidan
Ty Injan Perl

Y bwriad yw cyfoethogi a chreu erthyglau ar dref hanesyddol Amlwch a'r dalgylch. Mae angen mwy o erthyglau am hanes mwyngloddio Amlwch ac yn enwedig yn ystod y chwildro diwydiannol. Mae criw o'r chweched dosbarth yn Ysgol Syr Thomas Jones yn defnyddio eu hamser i ymchwilio i mewn i'r hanes a gobeithio ysgrifennu erthyglau sydd yn mynd i ddiddori ac addysgu. Rydym yn cydweithio efo'r amgueddfa Y Deyrnas Gopr yn Amlwch.