Wicipedia Eidaleg
Fersiwn Eidaleg o Wicipedia yw'r Wicipedia Eidaleg (Eidaleg: Wikipedia in italiano). Fe'i crewyd ar 11 Mai 2001 ac fe'i golygwyd yn gyntaf ar 11 Mehefin 2001. Hi oedd y bedwaredd Wicipedia fwyaf o ran erthyglau, ar ôl y fersiynau Saesneg, Almaeneg, a Ffrangeg yn y 2010au cynnar.
 | |
 | |
| Enghraifft o'r canlynol | Wicipedia mewn iaith benodol  |
|---|---|
| Iaith | Eidaleg |
| Dechrau/Sefydlu | 11 Mai 2001 |
| Perchennog | Sefydliad Wicimedia |
| Statws hawlfraint | dan hawlfraint |
| Gweithredwr | Sefydliad Wicimedia |
| Cynnyrch | Gwyddoniadur rhyngrwyd |
| System ysgrifennu | yr wyddor Ladin |
| Gwefan | https://it.wikipedia.org/ |
 Ffeiliau perthnasol ar Gomin Wicimedia | |
Erbyn heddiw (Tachwedd 2024), mae ganddi oddeutu 1,890,000 o erthyglau.
Protest 2011
golygu
Ar 4 Hydref 2011, o ganlyniad i benderfyniad gan y gymuned, cuddiwyd holl erthyglau'r prosiect a chafodd y wici ei flocio gan weinyddwyr (er bod y fersiwn ffôn symudol dal yn hygyrch). Mabwysiadwyd hyn fel protest yn erbyn paragraff 29 o'r DDL intercettazioni (Mesur Rhyng-gipio)[1] oedd ar y pryd dan drafodaeth yn Siambr Dirprwyon Senedd yr Eidal. Archifwyd 2019-09-16 yn y Peiriant Wayback Byddai'r mesur arfaethedig wedi awdurdodi unrhyw un sy'n credu ei fod wedi ei dramgwyddo gan gynnwys gwefan i'w orfodi i ymateb ar yr un wefan o fewn 48 awr, a heb unrhyw werthusiad o'r cais gan farnwr. Pe bai'r mesur wedi cael ei basio yna credir y byddai yn rhoi cyfyngiadau llym ar ryddid "llorweddol" o gyrchu a golygu sy'n gyffredin ym mhrosiectau Wicifryngau. Hwn oedd y tro cyntaf i un o brosiectau Wicipedia i flancio'i holl gynnwys er mwyn protestio.[2][3][4]
Cefnogodd Sefydliad Wicifryngau penderfyniad y Wicipedia Eidaleg mewn datganiad swyddogol a ryddhawyd ar yr un diwrnod.[5] Erbyn 5 Hydref 2011, cafodd y maniffesto sy'n cymryd lle'r Wicipedia Eidaleg ei weld tua 8 miliwn o weithiau.[6] Ar 6 Hydref, ailagorodd y wefan.
Cyfeiriadau
golygu- ↑ (Eidaleg) Camera dei Deputati: disegno di legge N. 1415-B. Camera dei Deputati.
- ↑ Datganiad swyddogol (Saesneg); dolen barhaol: http://it.wikipedia.org/w/index.php?title=Wikipedia:Comunicato_4_ottobre_2011&oldid=43934170.
- ↑ (Eidaleg) Intercettazioni, Wikipedia protesta – Homepage in bianco: "Inaccettabile ddl". la Repubblica (4 Hydref 2011).)
- ↑ (Saesneg) Wikipedia Hides Italian Language Edition to Protest New Law | PCWorld Business Center. Pcworld.com.
- ↑ (Saesneg) Wikimedia blog » Blog Archive » Regarding recent events on Italian Wikipedia. Blog.wikimedia.org.
- ↑ Ystadegau traffig erthyglau Wicipedia. Stats.grok.se.
