William Jones (AS Arfon)

Roedd William Jones (1859 – 9 Mai 1915) yn wleidydd Rhyddfrydol Cymreig ac yn Aelod Seneddol dros etholaeth Arfon

William Jones
Ganwyd	1859  Llangefni
Bu farw	9 Mai 1915  Bangor
Dinasyddiaeth	Cymru
Alma mater	Athrolys
Galwedigaeth	gwleidydd, athro
Swydd	Aelod o 30ain Senedd y Deyrnas Unedig, Aelod o'r 29fed Senedd y Deyrnas Unedig, Aelod o 28ain Senedd y Deyrnas Unedig, Aelod o 27ain Senedd y Deyrnas Unedig, Aelod o 26ain Senedd y Deyrnas Unedig
Plaid Wleidyddol	Plaid Ryddfrydol

Am bobl eraill o'r un enw, gweler William Jones.

Bywyd personol

Ganwyd William Jones ym 1857 yn y Ceint Bach ym Mhlwyf Penmynydd, Sir Fôn yn fab i Richard ac Alice Jones. Bu farw ei dad pan nad oedd William ond 3 mlwydd oed a symudodd y teulu i fyw yn Llangefni.

Cafodd ei addysgu yn Ysgol Llangefni lle fu hefyd yn ddisgybl athro cyn mynd i hyfforddi fel athro yng Ngholeg Normal, Bangor.

Gyrfa

Cafodd ei swydd gyntaf fel athro yng Ngoginan Ceredigion lle fu'n dysgu o 1875 i 1879; aeth oddi yna i ddysgu mewn ysgol yn Llundain. Ym 1888 symudodd i Rydychen lle fu'n athro preifat yn rhoi hyfforddiant i fyfyrwyr a oedd yn dymuno mynd yn athrawon

Gyrfa wleidyddol

Chwaraeodd rhan amlwg yng ngwleidyddiaeth Ryddfrydol gan gynorthwyo David Lloyd George a Thomas Edward Ellis yn eu hymgyrchodd etholiadol, yr oedd hefyd yn areithiwr poblogaidd mewn cyfarfodydd y blaid.

Safodd etholiad am y tro cyntaf yn etholiad cyffredinol 1895 fel ymgeisydd Rhyddfrydol yn etholaeth Arfon gan lwyddo cadw'r sedd i'r Blaid Ryddfrydol. Parhaodd i wasanaethu'r etholaeth fel Aelod Seneddol hyd ei farwolaeth ym 1915. Gwasanaethodd fel is weinidog yn y trysorlys ac fel chwip yr aelodau Rhyddfrydol Cymreig o 1911 hyd ei farwolaeth.

Marwolaeth

Bu farw Jones ym Mangor ym 1915 a'i gladdu yn Llangefni; yr oedd yn di briod.

Cyfeiriadau

Senedd y Deyrnas Unedig
Rhagflaenydd: William Rathbone	Aelod Seneddol dros Arfon 1895 – 1915	Olynydd: Griffith Caradoc Rees