Wladimir Kaminer

Awdur Rwsiaidd-Almaenig yw Wladimir Kaminer (Rwsieg Владимир Каминер); ganed 19 Gorffennaf 1967 ym Moscfa). Mae'n golofnydd, awdur straeon byrion ac yn DJ.

Wladimir Kaminer
Ganwyd	Владимир Викторович Каминер  19 Gorffennaf 1967  Moscfa
Dinasyddiaeth	yr Almaen
Alma mater	Theater Arts and Technical College
Galwedigaeth	llenor, newyddiadurwr, peiriannydd sain, troellwr disgiau
Adnabyddus am	Russian Disco
Priod	Olga Kaminer
Gwobr/au	Ben-Witter-prize, Berliner Bär
Gwefan	http://www.wladimirkaminer.de/

Gyrfa

Mae ei deulu o darddiad Iddewig yn Rwsia. Cafodd ei eni ym Moscfa. Yno astudiodd dechnoleg sain cyn droi at y theatr yn Sefydliad Drama Mosgfa.

Wedi cwymp Mur Berlin symudodd i'r DDR (Dwyrain yr Almaen), lle cafodd ddinasyddiaeth misoedd cyn yr aduniad Almaenig. Daeth yn ddinasydd yr Almaen yn syth wedyn. Sefydlodd ei hun ym Marzahn, Berlin, ym 1990. Daeth yn ffigwr enwog ymhlith llenorion Berlin yn y clwb Kaffee Burger. Mae'n cyfrannu i gylchgronnau llenyddol, ac mae ganddo sioe radio Wladimir's World, ar Rundfunk Berlin-Brandenburg. Mae Kaminer hefyd yn DJ ar ei "Russendiskos" ei hun ac mae'n chwarae dim ond cerddoriaeth Rwseg. Er mai'r Rwseg yw ei famiaith mae'n sgwennu yn yr Almaeneg yn unig, ac yn aml yn ysgrifennu am sefyllfa y mewnfudwyr o Rwsia.

Yn 2006 penderfynnodd sefyll fel Maer Berlin; ers hyn mae wedi treulio ei amser yn siarad i gylchoedd llenyddol drwy'r byd Almaeneg. Cadwodd ddyddiadur, nodiadau a gyhoeddwyd yn nes ymlaen yn ei gasgliad Deutsches Dschungelbuch ("Jwngl-lyfr Almaenig"). Mae'n un o nifer o awduron tramor sy wedi cyfrannu at lenyddiaeth Almaeneg ers 2000, fel Rafik Schami ac awduron eraill y grwp Sudwind ('Gwynt y De').

Llyfryddiaeth

Gwaith Kaminer

• Russendisko (2000), fersiwn Saesneg fel Russian Disco (2002) a ddaeth wedyn yn ffilm llwyddiannus.
• Schönhauser Allee (2001)
• Militärmusik (2001)
• Die Reise nach Trulala (2002)
• Mein deutsches Dschungelbuch (2003)
• Ich mache mir Sorgen, Mama (2004)
• Karaoke (2005)
• Küche totalitär. Das Kochbuch des Sozialismus (2006)
• Ich bin kein Berliner. Ein Reiseführer für faule Touristen (2007)
• Mein Leben im Schrebergarten (2007)
• Es gab keinen Sex im Sozialismus (2009)
• Debbie Macht Dallas (1998)
• Ich bin kein Berliner: Ein Reiseführer für faule Touristen Munich: Goldmann. ISBN 978-3-442-54240-6.

Erthyglau

• Wladimir Kaminer: deutsch-russischer Schriftsteller. Profile ar munzinger.de.
• 'Immigrieren geht einfacher als eine Ausstellung darüber zu machen', Georg Klein, Jüdische Zeitung, Ebrill 2010. Darllenwyd Medi 2010.
• 'Kaminer macht die Heimat dicht Anne Lena Mösken', Berliner Zeitung, 27 Ebrill 2007. Darllenwyd Medi 2010.
• 'Kaminer will Wowereit beerben', Der Spiegel, 23 Hydref 2006. Darllenwyd Medi 2010.