Ysbyty Cyffredinol Llandudno

Ysbyty cyffredinol ar safle ar gyrion Llandudno, bwrdeistref sirol Conwy, yw Ysbyty Cyffredinol Llandudno. Mae'n cael ei redeg gan Ymddiriedolaeth Iechyd Gogledd Orllewin Cymru fel rhan o GIG Cymru ac yn cydweithredu'n agos ag Ysbyty Gwynedd, Bangor.

Dros y blynyddoedd diwethaf cafwyd sawl bygythiad i gwtogi ar wasanaethau'r ysbyty a'i israddio i fod yn ysbyty cymuned, gyda'r bwriad o drosglwyddo rhai gwasanaethau arbenigol i Ysbyty Gwynedd ac Ysbyty Glan Clwyd. Bu ymateb chwyrn i hynny yn lleol. Ymgyrchodd Gareth Jones, Aelod Cynulliad Conwy ac eraill i'w achub a chafwyd datganiad ym mis Mawrth 2008 gan Edwina Hart fod Llywodraeth Cynulliad Cymru wedi ailystyried ei chynlluniau a bod dyfodol yr ysbyty yn ddiogel am rŵan.

CymruConwy.png Eginyn erthygl sydd uchod am fwrdeistref sirol Conwy. Gallwch helpu Wicipedia drwy ychwanegu ato.