Gareth Jones (gwleidydd)

Gweler hefyd y tudalen gwahaniaethu Gareth Jones.

Gwleidydd Cymreig, aelod o Blaid Cymru a chyn Aelod Cynulliad yw Gareth Jones OBE (ganed 14 Mai 1939).

Gareth Jones
Aelod Cynulliad dros Gonwy
Cyfnod yn y swydd 6 Mai 1999 – 3 Mai 2003
Aelod Cynulliad dros Aberconwy
Cyfnod yn y swydd 1 Mai 2007 – 6 Mai 2011
Geni	(1939-05-14) 14 Mai 1939 Blaenau Ffestiniog, Gwynedd
Plaid wleidyddol	Plaid Cymru
Alma mater	Prifysgol Abertawe

Mae'n un o dri aelod Panel Cynghori cyntaf Comisiynydd y Gymraeg, gyda'i benodiad yn rhedeg o 1 Ebrill 2012 hyd 31 Mawrth 2015.

Ganed Gareth Jones ym Mlaenau Ffestiniog ac mae'n byw yng Nghonwy. Mae'n gyn brifathro Ysgol John Bright, Llandudno. Mae'n gynghorydd lleol ac yn arweinydd Grŵp Plaid Cymru ar Gyngor Bwrdeistref Sirol Conwy. Mae'n aelod o Bwyllgor Gweithredol Cenedlaethol y Blaid. Roedd yn AC Conwy o 1999 hyd 2003 a Gweinidog yr Wrthblaid dros Addysg yn y Cynulliad. Yn dilyn hynny, etholwyd yn Aelod Cynulliad Cenedlaethol Cymru yn etholaeth newydd Aberconwy ar ôl cipio'r sedd gyda mwyafrif o 1,693 yn etholiad Mai, 2007. Ni safodd i gael ei ail-ethol yn 2011.

Mae ei ddiddordebau gwleidyddol yn cynnwys cyfiawnder cymdeithasol, yr iaith Gymraeg ac addysg.

Dolenni allanol

• Proffeil ar wefan Plaid Cymru Archifwyd 2009-05-04 yn y Peiriant Wayback

Cynulliad Cenedlaethol Cymru
Rhagflaenydd: sedd newydd	Aelod Cynulliad dros Gonwy 1999 – 2003	Olynydd: Denise Idris Jones
Rhagflaenydd: etholaeth newydd	Aelod Cynulliad dros Aberconwy 2007 – 2011	Olynydd: Janet Finch-Saunders