Afon Ieithon
Afon yng nghanolbarth Powys yw Afon Ieithon (hefyd Afon Ithon). Mae'n tarddu yn y bryniau i'r de-orllewin o'r Drenewydd ac yn llifo ar gwrs deheuol i ymuno yn Afon Gwy ger Llanfair-ym-Muallt. Ei hyd yw tua 25 milltir.
| Delwedd:The Ithon, Pen-y-bont - geograph.org.uk - 838393.jpg, The River Ithon - geograph.org.uk - 416912.jpg | |
| Math | afon, Safle o Ddiddordeb Gwyddonol Arbennig  |
|---|---|
| Daearyddiaeth | |
| Sir | Powys |
| Gwlad |  Cymru |
| Arwynebedd | 173.77 ha |
| Cyfesurynnau | 52.2167°N 3.45°W, 52.310443°N 3.357666°W |
| Aber | Afon Gwy |
 | |
| Statws treftadaeth | Safle o Ddiddordeb Gwyddonol Arbennig |
| Manylion | |
CwrsGolygu
Mae'r afon yn casglu ffrydiau ger bryn Rhyddhywel, bron i 2000 troedfedd i fyny yn y bryniau. Llifa ar gwrs deheuol heibio i bentrefi Llanbadarn Fynydd, Llananno, Llanbister a Llanddewi Ystradenni. Mae ffordd yr A483 yn rhedeg yn gyfochrog iddi am y rhan yma o'i chwrs. Llifa dyfroedd Afon Aran i mewn iddi ger Crossgates. Ar ôl hynny mae'n cymryd cwrs ymddolennol iawn i'r dwyrain ac yna i'r gorllewin a heibio i dref Llandrindod i lifo i mewn i Afon Gwy tua milltir i'r de o Bontnewydd ar Wy, 4 milltir i'r gogledd o Lanfair-ym-Muallt.
