Aled Roberts

Comisiynydd y Gymraeg a chyn-aelod o'r Democratiaid Rhyddfrydol, yw Aled Roberts. Mae'n gyn Aelod y Cynulliad dros Rhanbarth Gogledd Cymru (6 Mai 2011 – 6 Mai 2016) a bu'n arweinydd Cyngor Bwrdeistref Wrecsam cyn hynny. Mae hefyd wedi gweithio fel ymgynghorydd i Lywodraeth Cymru ar ddatblygu cynlluniau addysg Gymraeg.

Aled Roberts
Dinasyddiaeth	Cymru
Alma mater	Prifysgol Aberystwyth
Galwedigaeth	gwleidydd, Comisiynydd y Gymraeg
Swydd	Aelodau 4ydd Cynulliad Cenedlaethol Cymru
Plaid Wleidyddol	Y Democratiaid Rhyddfrydol

Magwyd Aled Roberts yn Rhosllannerchrugog ac mae'n dal i fyw yno gyda'i wraig a'i ddau fab. Mynychodd Ysgol y Ponciau, Ysgol y Grango ac Ysgol Rhiwabon cyn astudio'r gyfraith ym Mhrifysgol Aberystwyth. Mae'n cymryd rhan weithgar yn ei gymuned, gan fod yn ysgrifennydd Capel Ebeneser a'r Stiwt.

Chwarae'r ffeil gyfrwng

Fideo o Aled Roberts yn disgrifio ei swydd gyntaf.

Comisiynydd y Gymraeg

Ar 1 Ebrill 2019, fe'i penodwyd yn Gomisiynydd y Gymraeg, gan ddilyn Meri Huws. Treuliodd y tri mis cyntaf yn dod i adnabod anghenion Cymry ledled y wlad, er mwyn deall eu profiadau o ddefnyddio'r Gymraeg ac i ddeall beth sy'n cymell pobl sy'n medru siarad Cymraeg i ddefnyddio'r iaith, neu beidio gwneud hynny, yn eu bywydau bob dydd.

“

Fe ges i fy magu ar aelwyd Gymraeg ei hiaith yn Rhos; ond Saesneg oedd iaith fy addysg. Er bod fy nghriw ffrindiau yn gallu siarad Cymraeg, Saesneg oedden ni'n ei siarad efo'n gilydd. Nid tan imi ddod adref am y Nadolig ar ôl treulio tymor cyntaf ym Mhrifysgol Aberystwyth y sylwais ein bod ni'n colli allan ar gymaint drwy beidio â siarad Cymraeg efo'n gilydd; ac felly mi wnaethon ni benderfyniad un noson i droi i siarad Cymraeg efo'n gilydd o hynny ymlaen. Doedd hi ddim yn hawdd newid, ac mi gymerodd ychydig fisoedd i ni ddod i arfer; ond mi oedd hi'n bosib, a Chymraeg ydyn ni wedi ei siarad efo'n gilydd byth wedyn.

”