Altostratus

Altostratus
Math	Stratus, mid-level cloud
Dyddiad darganfod	1877
Gwefan	https://cloudatlas.wmo.int/altostratus-as.html
	Ffeiliau perthnasol ar Gomin Wicimedia

Math o gymylau yw Altostatus.

Disgrifiad

Nid yw'r cymylau hyn fel arfer yn fawr mwy na haenau llwydion sy'n dueddol o dewychu nes bo'r haul yn graddol ddiflannu wrth i'r awyr dywyllu a llenwi cyn glaw. Ceir sawl disgrifiad o'r modd y mae'r haul, neu'r lleuad yn y nos, yn diflannu'n raddol wrth i'r haenau dewychu:

Dywediadau

Yr haul (neu'r lleuad yn y nos) yn boddi – glaw cyn bo hir (cyffredin)
Yr awyr yn ceulo – glaw yn fuan (Gwynedd)

Weithiau ceir patrwm arbennig i'r haenau Altostratus:

Os bydd 'caws a llath' ar y wybr, glaw yn agos (Llandysul) Neu, ychydig funudau cyn iddi lawio gwelir ffurflau arbennig ar waelod y cymylau:

Clytiau tonnog – dyma'r ffurf a elwir yn Altostratus undulatus
'Bronnau' yn crogi o waelod y cwmwl – dyma Altostratus mamma
Yr awyr 'yn dorrog' o law neu eira (gogledd Ceredigion). Cymylau boliog llawn glaw.

Galeri

Altostratus undulatus adeg y wawr.
Altostratus opacus
Altostratus translucidus hefo cumulus humilis oddi dano
Altostratus translucidus

Cyfeiriadau

Mae'r erthygl hon yn cynnwys testun a sgwennwyd ac a briodolir i Twm Elias ac a uwchlwythwyd ar Wicipedia gan Defnyddiwr:Twm Elias. Cyhoeddwyd y gwaith yn gyntaf yn Llên Gwerin (Cymdeithas Edward LLwyd).