Archesgob Cymru

Crewyd swydd Archesgob Cymru yn 1920, pan ddatgysylltwyd yr Eglwys Anglicanaidd yng Nghymru i greu Yr Eglwys yng Nghymru. Yn wahanol i archesgobion yn nhaleithiau eraill yr Eglwys Anglicanaidd, mae'r Archesgob hefyd yn esgob un o'r esgobaethau yng Nghymru.

Yr Archesgob presennol yw'r Parchedicaf Andy John, a etholwyd ym mis Rhagfyr 2021.^[1]

Archesgobion Cymru golygu

Archesgobion Cymru
Cychwyn	Gorffen	Deiliad	Nodiadau
1920	1934	Alfred George Edwards	Hefyd yn Esgob Llanelwy o 1889.
1934	1944	Charles Green	Bu'n Esgob Mynwy; hefyd yn Esgob Bangor o 1928; bu farw yn y swydd.
1944	1949	David Prosser	Hefyd yn Esgob Tyddewi o 1926.
1949	1957	John Morgan	Bu'n Esgob Abertawe ac Aberhonddu; hefyd yn Esgob Llandaf o 1939; bu farw yn y swydd.
1957	1967	Edwin Morris	Hefyd yn Esgob Mynwy o 1945.
1968	1971	Glyn Simon	Bu'n Esgob Abertawe ac Aberhonddu; hefyd yn Esgob Llandaf o 1957.
1971	1982	Gwilym Williams	Hefyd yn Esgob Bangor o 1957.
1983	1986	Derrick Childs	Hefyd yn Esgob Mynwy o 1972.
1986	1991	George Noakes	Hefyd yn Esgob Tyddewi o 1981.
1991	1999	Alwyn Rice Jones	Hefyd yn Esgob Llanelwy o 1981.
1999	2002	Rowan Williams	Hefyd yn Esgob Mynwy o 1992; yn Archesgob Caergaint o 2002 i 2013
2003	2017	Barry Morgan	Bu'n Esgob Bangor; hefyd yn Esgob Llandaf o 1999.^[2]
2017	2021	John Davies	Hefyd yn Esgob Abertawe ac Aberhonddu ers 2008.^[3]
2021	presennol	Andy John	Hefyd yn Esgob Bangor ers 2008.^[4]
Ffynonellau:^[5]^[6]