Asilah
Dinas ym Moroco yw Asilah (hefyd weithiau Arzila) (Arabeg: أصيلة، أرزيلة), a leolir ar ben gogledd-orllewinol Moroco ar lan y Cefnfor Iwerydd, tua 50 km i'r de o Tanger, yn rhanbarth Tanger-Tétouan. Mae'n dref gaerog a amgylchynir gan fur gyda'r pyrth canoloesol gwreiddiol yn dal yn eu lle.
 | |
| Math | urban commune of Morocco  |
|---|---|
| Poblogaeth | 31,147 |
| Sefydlwyd |
|
| Pennaeth llywodraeth | Mohamed Benaissa |
| Gefeilldref/i | Sintra |
| Daearyddiaeth | |
| Sir | Tangier-Assilah Prefecture |
| Gwlad |  Moroco |
| Uwch y môr | 2 metr |
| Cyfesurynnau | 35.47°N 6.03°W |
| Pennaeth y Llywodraeth | Mohamed Benaissa |
 | |
| Statws treftadaeth | Treftadaeth ddiwylliannol Moroco |
| Manylion | |
Mae ei hanes yn cychwyn tua 1000 CC, pan gafodd ei defnyddio gan y Ffeniciaid fel porth masnach arfordirol. Roedd yn cael ei adnabod fel Zilis. Cefnogodd y Ziliaid ddinas Carthago yn y Rhyfeloedd Pwnig, ac o ganlyniad fe'u gorfodwyd gan y Rhufeiniaid buddugoliaethus i ymadael a sefydlwyd gwladfa o Iberiaid yn eu lle. Yn y 10g ceisiodd Normaniaid Sisili ei chipio. Bu ymrafael am ei meddiant rhwng rheolwyr Moroco a Portiwgal a Sbaen o 1471, pan gafodd ei chipio gan y Portiwgalwyr, a 1691 pan adfeddianwyd y ddinas o feddiant Sbaen gan y Swltan Moulay Ismail. Bu'n ganolfan i fôr-ladron am gyfnod ar ôl hynny. Erbyn heddiw mae'n gyrchfan gwyliau ffasiynol i Forocwyr ac eraill.
Dolenni allanol golygu
- (Arabeg) Gwefan swyddogol Asilah (mewn Arabeg ond gyda lluniau)
- Tourism Asilah Archifwyd 2012-06-22 yn y Peiriant Wayback.