Baner Belîs

Mabwysiadwyd baner Belîs (baner Belize) ar 21 Medi 1981 yn dilyn annibyniaeth y wlad yng Nghanolbarth America o'r Deyrnas Unedig. Cyn annibyniaeth adnabwyd y wlad fel Hondwras Brydeinig. Mae'n cael ei ffinio i'r gorllewin gan wlad Gwatemala sy'n hawlio hanner tiriogaeth ddeheuol Belîs.

Baner Belîs, cymesuredd, 2:3

Lleoliad Belîs yng Nghanolbarth America

     Dim cwestiwn tiriogaethol     Anghytuno tiriogaethol

Dyluniad

Mae baner Belîs yn las, gyda dwy stribed llorweddol coch ar y pennau a disg gwyn yn y canol. Lleolir yr arwyddlun genedlaethol o fewn y ddisg gwyn. Mae'r faner yn ddatblygiad o'r faner Honduras Prydeinig flaenorol (enw'r enw Belice ar y blaen), a sefydlwyd yn 1950 pan enillodd Honduras Prydain peth hunanlywodraeth oddi ar Brydain. Ychwanegwyd y ddau stribedi coch i'r dyluniad gwreiddiol yn dilyn yr olaf.

Mae arfbais Belîs yn cynnwys delwedd o ddau ddyn, un mestizo ac un o dras Affricanaidd yn cefnogi'r darian. Dyma unig faner i gynnwys delwedd o ddau ddyn arni, er, ceir baneri eraill ag un dyn arni, megis baneri Malta, threfedigaethau Brydeining Montserrat a Baner Ynysoedd Virgin Prydain a Polynesia Ffrengig hefyd â dynion neu fynywod arnynt. Ceir y geiriau Lladin, Sub Umbra Floreo, sef "Ffynnaf o dan y Cysgod".

Baner Cyfleustra

Caiff y faner ei chwifio fel baner cyfleustra gan longau ar draws y byd.

Baneri Eraill

• 

  Baner y Belize United Democratic Party

• 

  Baner Belize City, cyn-prifddinas y wlad

• 

  Baner Belize People's United Party

Hen Faneri

• 

  Baner Hondwras Brydeinig, 1870–1919

• 

  Baner morol Hondwras Brydeinig, 1870–1919

• 

  Baner Honduras Brydeinig, 1919–1981

• 

  Baner morol Hondwras Brydeinig 1919–1981

• 

  Ystondard Rhaglaw Hondwras Brydeinig

• 

  Baner answyddogol Balize 1950–1981.
  Dyma oedd sail y faner gyfredol

Dolenni allanol

• Baner Belîs Archifwyd 2012-08-12 yn y Peiriant Wayback.
• Baner Belîs
• Vexilla-Mundi