Bryn yr Hen Bobl

Bryn yr Hen Bobl
Math	carnedd gellog
Daearyddiaeth
Sir	Llanddaniel Fab
Gwlad	Cymru
Cyfesurynnau	53.197361°N 4.218611°W
Cod OS	SH5190368975
Statws treftadaeth	heneb gofrestredig
Manylion
Dynodwr Cadw	AN006
	Ffeiliau perthnasol ar Comin
	[golygwch ar Wicidata]

Mae Bryn yr Hen Bobl yn siambr gladdu o Oes Newydd y Cerrig sydd wedi'i lleoli gerllaw Llanddaniel Fab, Ynys Môn; cyfeiriad grid SH519689. ^[1]

Disgrifiad

Gelwir y mathau hyn o siambrau yn ”garneddau cellog crynion” ac fe gofrestrwyd Bryn yr Hen Bobl fel heneb gan Cadw gyda'r rhif SAM: AN006. Defnyddiwyd yr heneb hon ar gyfer defodau crefyddol ac i gladdu neu gofio am y meirw.

Cloddwyd y safle yn drwyadl yn 1929. Mae carnedd o siap aren yn gorchuddio siambr blaen gyda mynediad sy'n wynebu i'r dwyrain, man codi'r haul. Darganfuwyd olion tân golosg yn y 'cwrt', sef ceg y fynedfa, a llenwyd hyn yn ddiweddarach gyda cherrig. Cafwyd hyd i ddeunydd neolithig yn gymysg â'r cerrig hyn, yn cynnwys bwyeill carreg a chrochenwaith. Saif yr heneb ar deras artiffisial 12 metr o led sy'n ymestyn am 100 metr i gyfeiriad y de. Codwyd hyn cyn y garnedd ei hun. Roedd gweddillion o leia ugain o unigolion yn y siambr gladdu.^[2]^[3]

Hanner milltir i'r gogledd ceir siambr gladdu Plas Newydd.

Cyfeiriadau

↑ Data Cymru Gyfan, CADW
↑ Christopher Houlder, Wales: an archaeological guide (Faber, 1978), tt. 44-45.
↑ Katherine Watson, North Wales yn y gyfres Regional Archaeologies (Llundain, 1965), tud. 73.

	Siamberi Claddu ar Ynys Môn
	Barclodiad y Gawres \| Bodowyr \| Bryn Celli Ddu \| Bryn yr Hen Bobl \| Din Dryfol \| Llugwy \| Pant y Saer \| Presaddfed \| Trefignath \| Tŷ Newydd

[1] Data Cymru Gyfan, CADW

[2] Christopher Houlder, Wales: an archaeological guide (Faber, 1978), tt. 44-45.

[3] Katherine Watson, North Wales yn y gyfres Regional Archaeologies (Llundain, 1965), tud. 73.

[1]

[2]

[3]