Trefignath

Mae Trefignath yn siambr gladdu gerllaw Caergybi ar Ynys Môn sy'n dyddio o'r cyfnod Neolithig, tua 3900 C.C. i 2900 C.C.. Mae'n siambr gladdu sylweddol o ran maint, a dangosodd cloddio archeolegol yn nechrau'r nawdegau ei bod wedi ei defnyddio am gyfnod o tua mil o flynyddoedd. Ar y cychwyn roedd yn siambr weddol syml gyda chyntedd, tebyg i Bodowyr. Yn ddiweddarach newidiwyd y cynllun i fod yn siambr hirsgwar gyda dwy garreg fawr bob ochr i'r fynedfa, a chwrt cul o'i blaen. Yna ychwanegwyd siambr arall ar yr ochr ddwyreiniol gyda cherrig mawr o flaen y fynedfa.

Trefignath

Delwedd:Trefignath Burial Chamber, Holyhead - geograph.org.uk - 212092.jpg, Trefignath burial chamber.jpg
Math	siambr gladdu
Daearyddiaeth
Sir	Ynys Môn
Gwlad	Cymru
Cyfesurynnau	53.29323°N 4.614309°W
Statws treftadaeth	heneb gofrestredig
Manylion
Dynodwr Cadw	AN011
Ffeiliau perthnasol ar Comin

Gellir cyrraedd Trefignath wrth droi i gyfeiriad Trearddur o ochr Caergybi i'r cob ar y briffordd A5 ac yna troi i'r chwith wrth yr ysgol.

Siambr gladdu Trefignath yn dangos y fynedfa i'r siambr ddwyreiniol

• 
  Trefignath o ongl arall
• 
  Maen hir Tŷ Mawr, gerllaw

Llyfryddiaeth

Frances Lynch, Gwynedd, A Guide to Ancient and Historic Wales (Llundain: HMSO, 1995)