Bus Éireann

	Broadstone July 2008, coaches awaiting wash and fuel - Flickr - D464-Darren Hall.jpg
	v; t; e;

Bus Éireann (/ bˠɔsˠ eːɾʲən̪ˠ /, "Bws Iwerddon") yw'r cwmni bysiau rhyng-wasanaeth sy'n gwasanaethu Iwerddon, ac eithrio Swydd Dulyn sy'n cael ei wasanaethu gan Dublin Bus.

Pencadlys y cwmni yw'r Busáras - yr orsaf fysiau ganolog yn Nulyn.

Hanes

Crëwyd Bus Éireann ym mis Chwefror 1987 yn ystod rhaniad Córas Iompair Éireann (CIÉ). Mae logo Bus Éireann yn ymgorffori Cyfeirgi Gwyddelig, brîd o gi sy'n frodorol o Iwerddon. Gellir gweld bod dylanwad logo enwog Greyhound ar bysiau Greyhound Lines, yr UDA.^[1] Mae wedi bod trwy sawl newid ers hynny.

Gwasanaethau

Bus Éireann yn y Busáras, Prif Orsaf Bysiau Dulyn

Mae Bus Éireann yn gwsanaethu Gweriniaeth Iwerddon yn greiddiol gydag Ulster Bus yn gwasanaethu Gogledd Iwerddon. Serch hynny, mae prif wasanaethau bysiau Éireann yn y Weriniaeth ac Ulster Bus yn y Gogledd yn cydblethu ac yn cynnwys y gwasanaethau teithio a chludo ar draffyrdd (intercity), trafnidiaeth leol, ysgol i ysgol. Mae gwasanaethau ychwanegol yn Iwerddon yn cynnwys gwasanaethau trefol yn ninasoedd Corc, Galway, Limerick a Waterford, a gwasanaethau trefol yn Athlone, Balbriggan, Drogheda, Dundalk, Navan a Sligo.

Mae bysiau Eireann yn gweithredu gwasanaethau rhyngwladol i Brydain Fawr ac Ewrop trwy borthladdoedd Dulyn a Rosslare Europort. Y dinasoedd a wasanaethir yw Llundain, Birmingham, Manceinion, Lerpwl a Leeds. Gweithredir y rhain o dan frand Eurolines.

Fflyd

Bysiau nwy naturiol

Cyflwynodd Bus Éireann yr NGV cyntaf ar 17 Gorffennaf 2012 yng Nghorc. Mae'n gweithredu ar lwybr 216 (Ysbyty Prifysgol Cork - Canol Dinas Cork - Mount Oval) tan ganol Awst 2012 mewn partneriaeth ag Ervia. MAN sy'n gwneud y bws Eco-ddinas.^[2]

Cerbydau

Ym mis Ionawr 2018 mae'r fflyd yn cynnwys 1,200 o fysiau a choetsys.^[3] Mae'r cwmni'n defnyddio bysiau a adeiladwyd gan gwmnïau fel Scania, VDL Berkhof a Volvo yn bennaf. Buddsoddwyd fflyd Bus Éireann yn y Cynllun Datblygu Cenedlaethol. Mae mwyafrif helaeth y fflyd weithredol ar gyfer gwasanaethau gwibffordd, cymudwyr a lleol bellach yn bum mlwydd oed neu'n llai.

Gwasanaethau Twristiaeth

Bus Éireann yn Sligo, 2009

Mae Bus Éireann yn trefnu teithiau dydd arbennig o amgylch Dulyn i leoedd fel Glendalough, Newgrange; o Gorc, tripiau dydd i Ring of Kerry, County Clare, West Cork ac Ynys Cape Clear; a Galway, ymweliadau â Conamara a Burren.

Cystadleuaeth

Yn ogystal â Bus Éireann, mae yna ychydig o gwmnïau eraill, sy'n cystadlu am deithiwyr nad sydd yn gallu neu eisiau teithio mewr car. Ceir gwasanaethau bws rhwng rhai o brif ddinasoedd Iwerddon, fel Citylink, JJ Kavanagh, aircoach neu Translink. Mae Bus Éireann hefyd mewn cystadleuaeth ag Iarnród Éireann, gwasanaeth rheilffyrdd Iwerddon.

Ffigurau

Yn 2007, mae'n debyg bod y cwmni wedi cludo 96 miliwn o deithwyr.^[4]

Yn 2019 nodwyd bod y gwasanaeth wedi gweld nifer uchaf o deithwyr mewn deng mlynedd ** Bu tŵf yn refeniw y cwmni i 10% gan gynnaedd €390 miliwn yn y flwyddyn yn gorffen 31 Rhagfyr 2018 er ei bod dal mewn dyled ar y pryd. Gwelwyd 83.6 miliwn o deithwyr yn 2018 gan gynnwys 120,000 disgybl ysgol yr wythnos a thŵf o 13% mewn dinasoedd rhanbarthol megis Corc, Galway, Limerick a Waterford.^[5]