Catatonia

Band Cymreig oedd Catatonia. Yr aelodau oedd Cerys Matthews, Mark Roberts, Paul Jones, Owen Powell, Aled Richards, Dafydd Ieuan, Clancy Pegg a Kris Jenkins, roedd Jevon Hurst yn gyn-aelod. Daethant i'r amlwg yn y Deyrnas Unedig tuag at ddiwedd y 1990au. Roedd Cerys Matthews yn canu, Mark Roberts ar gitâr, Paul Jones ar gitâr fâs (y ddau hefyd yn gyn-aelodau o'r Ffyrc, Sherbet Antlers a'r Cyrff), Owen Powell ar gitâr, ac Aled Richards (sydd heddiw'n drymio ar gyfer Amy Wadge) ar y drymiau. Roberts oedd y prif ysgrifennwr caneuon. Newidiodd aelodau'r band yn aml ar y cychwyn, gan gynnwys Clancy Pegg (a ymunodd â'r Tystion yn hwyrach) ar yr allweddellau, Dafydd Ieuan a Kris Jenkins (o'r Super Furry Animals) ar drymiau ac offerynnau taro, cyn setlo ar y ffurf diweddaraf yn 1995.

Catatonia

Enghraifft o'r canlynol	band
Gwlad	y Deyrnas Unedig
Label recordio	Blanco y Negro Records
Dod i'r brig	1992
Dechrau/Sefydlu	1992
Genre	roc amgen, ôl-Britpop
Yn cynnwys	Cerys Matthews, Mark Roberts
Ffeiliau perthnasol ar Gomin Wicimedia

Hanes

Cyfarfu Cerys Matthews â Roberts yng Nghaerdydd y tro cyntaf, pan oedd Cerys yn bysgio, dechreuont ysgrifennu caneuon gyda'i gilydd yn 1992. Pedair mlynedd yn ddiweddarach roeddent mewn perthynas â'i gilydd, â sawl agwedd o'r berthynas yn dod i'r amlwg yn eu caneuon ar y pryd.

Daeth y cwpl ar draws y gair catatonia, yn credu iddo ystyr mwynhad eithafol a chwsg, enw gwreiddiol y band oedd 'Sweet Catatonia'. Wedi darganfod gwir ystyr y gair (hynny yw, symptom seiciatreg o rai anhwylderau meddyliol), cafwyd gwared ar y gair 'sweet'.

Dim ond pump sengl Gymraeg/dwyieithog ryddhaodd Catatonia, ac International Velvet oedd yr unig un i gael ei gynnwys mewn albwm. Ymddangosodd y lleill i gyd ar Ochrau B a chasgliadau EP.

Wedi dod yn enwog, roedd Cerys Mathews yn ei chael yn anodd ymdopi gyda'r pwysau. Roedd hi'n dioddef o flinder a gohiriwyd sawl taith gyngherddau, a bu dirywiad yn y berthynas rhwng aelodau'r band. Ar 21 Medi, 2001, ar ôl rhyddhau'r albym Paper Scissors Stone, gwahanodd y band yn swyddogol.

Rhyddhaodd Cerys ei halbym gyntaf solo, Cockahoop, yn mis Mai 2003. Rhyddhawyd ei hail albym Never Said Goodbye ym mis Awst 2006.

Disgyddiaeth

Teitl y gân	Clip sain	Blwyddyn cyhoeddi	Rhif Catalog
Difrychwelyd		1998	CRAI CD064
Dimbran		1998	CRAI CD064
Fall Beside Her		1998	CRAI CD064
For Tinkerbell		1998	CRAI CD064
Gyda Gwen		1998	CRAI CD064
Hooked		1998	CRAI CD064
New Mercurial Heights		1998	CRAI CD064
Sweet Catatonia		1998	CRAI CD064
Gyda Gwen		1999	SAIN SCD 2190

Senglau/EP

• "For Tinkerbell" (EP) - 1993
• "Hooked" (EP) - 1994
• "Whale" - 1994 (Finyl yn unig)
• "Bleed" - 1995 - #102
• "Christmas '95" - 1995 - Sengl Finyl Fan Club (Ochr-A: "Blow The Millennium, Blow")
• "Sweet Catatonia" - 1996 - #61
• "Lost Cat" - 1996 - #41
• "You've Got a Lot to Answer For" - 1996 - #35
• "Bleed" (re-issued) - 1996 - #46
• "I Am The Mob" - 1997 - #40
• "Mulder and Scully" - 1998 - #3
• "Road Rage - 1998 - #5
• "Strange Glue" - 1998 - #11
• "Game On" - 1998 - #33
• "Dead From the Waist Down" - 1999 - #7
• "Londinium" - 1999 - #20
• "Karaoke Queen" - 1999 - #36
• "Storm The Palace" (EP) - 1999
• "Stone by Stone" - 2001 - #19

Cydweithredau

• The Ballad of Tom Jones - Space a Cerys Matthews - 1998 - #4
• Baby, It's Cold Outside - Tom Jones a Cerys Matthews - 1999 - #17

Llyfryddiaeth

• Cerys, Catatonia & The Rise Of Welsh Pop, Medi 2002, David Owens (ISBN 0-09-187412-2) (rhestrir weithiau o dan y teitl dros-dro tra'n ysgrifennu, Catatonia - Enter The Dragon).
• To Hell and Back with Catatonia, 1 Mehefin, 2001, Brian Wright (ISBN 0-946719-36-5)
• Guinness World Records British Hit Singles (Gol David Roberts), 2002, 15fed argraffiad, cyhoeddwyr: Guinness World Records

Dolenni Allanol

• Catatonia ar wefan WelshBands.eu Archifwyd 2010-06-26 yn y Peiriant Wayback
• Newyddion gwahaniad y band