Codin
Mae codin yn gysglyn a ddefnyddir i drin poen, fel meddygaeth peswch, ac ar gyfer dolur rhydd.[1]
 Co-codamol | |
 | |
| Enghraifft o'r canlynol | math o endid cemegol  |
|---|---|
| Math | morphinan alkaloid |
| Màs | 299.152 uned Dalton |
| Fformiwla gemegol | C₁₈h₂₁no₃ |
| Enw WHO | Codeine |
| Clefydau i'w trin | Poen, peswch |
| Beichiogrwydd | Categori beichiogrwydd awstralia a, categori beichiogrwydd unol daleithiau america c |
| Rhan o | response to codeine, cellular response to codeine, codeine metabolic process, codeine catabolic process |
| Yn cynnwys | nitrogen, carbon |
 Ffeiliau perthnasol ar Gomin Wicimedia | |
Defnydd golygu
Defnyddir codin fel arfer i drin graddau ysgafn i gymedrol o boen. Gall mwy o fudd deillio o gyfuno codin â pharasetamol neu gyffur gwrthlidiol ansteroidal (NSAID) fel aspirin neu ibuprofen.[2]
Nid yw tystiolaeth yn cefnogi ei ddefnydd ar gyfer atal peswch acíwt mewn plant nac oedolion. Yn Ewrop ni chaiff ei argymell fel meddygaeth peswch yn y rhai dan ddeuddeg oed[3]. Yn gyffredinol caiff ei gymryd trwy'r genau. Fel arfer mae'n dechrau gweithio ar ôl hanner awr gyda'r effaith fwyaf ar ôl dwy awr. Mae hyd ei effeithiau yn para am tua phedair i chwe awr.
Sgil effeithiau golygu
Mae sgil effeithiau cyffredin yn cynnwys chwydu, rhwymedd, cosi, y bendro ac aflonyddwch[4]. Gall sgil effeithiau difrifol gynnwys anawsterau anadlu a dod yn gaeth i'r cyffur. Nid yw'n glir a yw ei ddefnydd yn ystod beichiogrwydd yn ddiogel. Dylid defnyddio gofal yn ystod bwydo ar y fron gan y gallai arwain at wenwyno'r babi. Nid yw ei ddefnydd yn cael ei argymell ar gyfer plant.
Mecanwaith golygu
Mae Codin yn gweithio ar ôl cael ei dorri gan yr afu i mewn i forffin. Mae pa mor gyflym mae hyn yn digwydd yn dibynnu ar eneteg person.
Enwau golygu
Mae codin ar gael fel rhan o'r paratoadau cyfansawdd canlynol (ymysg eraill)
- Co-codamol
- Codafen continus
- Codis
- Cuprofen plus
- Feminax
- Migraleve
- Nurofen plus
- Panadol Ultra
- Paracodol
- Pulmo Bailly
- Solpadol
- Syndol
- Tylex
- Veganin
Mae angen rhagnodyn meddyg ar gyfer rhai o'r paratoadau, mae eraill ar gael o fferyllfa yn unig ac eraill ar gael mewn siopau ac archfarchnadoedd cyffredin.
Hanes, cymdeithas a diwylliant golygu
Darganfuwyd Codin ym 1832 gan Pierre Jean Robiquet. Yn 2013, cynhyrchwyd tua 361,000 cilogram o godin a defnyddiwyd 249,000 cilogram. Mae hyn yn ei gwneud hi'r gysglyn mwyaf cyffredin. Mae ar Restr Meddyginiaethau Hanfodol Sefydliad Iechyd y Byd, y meddyginiaethau mwyaf effeithiol a diogel sydd eu hangen mewn system iechyd.
Mae codin yn sylwedd naturiol sy'n ffurfio tua 2% o opiwm
Cyfeiriadau golygu
- ↑ NHS UK About codeine[dolen marw] adalwyd 9 Mawrth 2016
- ↑ The National Institute for Health and Care Excellence / BNF CODEINE PHOSPHATE adalwyd 9 Mawrth 2016
- ↑ Medicines for Children CODEINE PHOSPHATE Archifwyd 2017-12-30 yn y Peiriant Wayback. adalwyd 9 Mawrth 2016
- ↑ Drug Bank - Codeine adalwyd 9 Mawrth 2016
| Cyngor meddygol |
|
Sgrifennir tudalennau Wicipedia ar bwnc iechyd er mwyn rhoi gwybodaeth sylfaenol, ond allen nhw ddim rhoi'r manylion sydd gan arbenigwyr i chi. Mae llawer o bobl yn cyfrannu gwybodaeth i Wicipedia. Er bod y mwyafrif ohonynt yn ceisio osgoi gwallau, nid ydynt i gyd yn arbenigwyr ac felly mae'n bosib bod peth o'r wybodaeth a gynhwysir ar y ddalen hon yn anghyflawn neu'n anghywir. Am wybodaeth lawn neu driniaeth ar gyfer afiechyd, cysylltwch â'ch meddyg neu ag arbenigwr cymwys arall! |