Agor y brif ddewislen

Flavius Claudius Constantinus, a adnabyddir fel Cystennin II (c. 316Ebrill 340), oedd ymerawdwr Rhufain rhwng 9 Medi 337 a'i farwolaeth.

Cystennin II
Campidoglio, Roma - Costantino II cesare dettaglio.jpg
Ganwyd Chwefror 0316 Edit this on Wikidata
Arles Edit this on Wikidata
Bu farw Ebrill 0340 Edit this on Wikidata (24 oed)
Achos: lladdwyd mewn brwydr Edit this on Wikidata
Aquileia Edit this on Wikidata
Dinasyddiaeth Rhufain hynafol, Yr Ymerodraeth Fysantaidd Edit this on Wikidata
Galwedigaeth Gwleidydd Edit this on Wikidata
Swydd ymerawdwr Rhufain, Ancient Roman senator Edit this on Wikidata
Tad Cystennin I Edit this on Wikidata
Mam Fausta Edit this on Wikidata
Llinach Constantinian dynasty Edit this on Wikidata

Cystennin oedd ail fab Cystennin I, a'r mab hynaf o'i briodas a Fausta. Ganed ef yn Arles, a chafodd ei fagu fel Cristion.

Ar 1 Mawrth 317 cyhoeddwyd ef yn "Gesar", ac yn 323, yn saith oed, cymerodd ran yn ymgyrch ei dad yn erbyn y Sarmatiaid. Yn ddeg oed cafodd ei benodi'n llywodraethwr Gâl. Cymerodd ran fel pennaeth y gwersyll yn ymgyrch ei dad yn erbyn y Gothiaid yn 332.

Wedi marwolaeth ei dad yn 337, daeth Cystennin II yn ymerawdwr ynghyd â'i ddau frawd, Constantius II a Constans. Rhannwyd yr ymerodraeth rhwng y tri brawd yn Panonia ym mis Medi yr un flwyddyn, a chafodd Cystennin Gâl, Prydain a Hispania.

Bu gan Cystennin ran yn nadleuon crefyddol y dydd, gan amddiffyn uniongrededd Cyngor Nicea a gwrthwynebu Ariaeth. Rhyddhaodd Athanasius o Alexandria, prif amddiffynydd uniongrededd, a gadael iddo ddychwelyd i'w esgobaeth. Roedd ei frawd Constantius II, ar y llaw arall, yn cefnogi yr Ariaid.

Ar y cychwyn yr oedd Cystennin yn gyfrifol am ofalu am fuddiannau ei frawd iau, Constans, oedd wedi derbyn Italia, Affrica ac Iliria. Pan gyrhaeddodd Constans i oed yn 340, gwrthododd Cystennin drosglwyddo grym iddo. Gorchfygwyd Cystennin gan Constans ym mrwydr Aquileya yn yr Eidal, a lladdwyd Cystennin yn y frwydr.

O'i flaen :
Cystennin I
Ymerodron Rhufain
Cystennin II

gyda Constantius II a Constans.
Olynydd :
Constantius II a Constans