Dinamo Tirana
Mae Futboll Klub Dinamo Tirana neu. fel arfer, Dinamo Tirana yn glwb pêl-droed yn Tirana, prifddinas Albania. Buont yn un o'r clybiau mwyaf llwyddiannus y wlad, ond maent bellach (2018-19) ac mae'n chwarae yn y Kategoria e Parë, 'Adran Gyntaf' ond ail-reng system pyramid Ffederasiwn Pêl-droed Albania. Mae Dinamo yn chwarae eu gemau cartref yn Stadioni Selman Stërmasi, sy'n dal o 10,000 o wylwyr.
 | |||
| Enw llawn | FK Dinamo Tirana | ||
|---|---|---|---|
| Llysenwau | Dinamovitët, Blutë (Y Gleision), Nëndetësja Blu (Llongdanfor Las) | ||
| Sefydlwyd | Mawrth 3, 1950 | ||
| Maes | Stadiwm Selman Stërmasi , Tirana, Albania (sy'n dal: 1,000) | ||
| Cadeirydd | Besnik Sulaj | ||
| Rheolwr | Igli Allmuça | ||
| Cynghrair | Kategoria e Parë, Grŵp A (ail adran y system byramid) | ||
| 2017–18 | Kategoria e Parë, Grŵp A, 5ed | ||
| |||
 Tymor cyfredol | |||
Mae Dinamo wedi ennill 18 o gynghrair a thri ar ddeg o gwpanau cenedlaethol ac mae'n un o'r timau pwysicaf ym myd pêl-droed Albania. Mae'n cynnal cystadleuaeth ffyrnig gyda'r KF Tirana a'r FK Partizani Tirana. Lliwiau traddodiadol y clwb yn las a gwyn. Gelwir eu ffans pennaf, yr 'Ultras' yn Blue Boys.
Hanes golygu
Ceir peth amheuaeth dros ddyddiad sefydlu'r clwb. Yn ôl wicipedia yr iaith Albaneg, sefydlwyd Dinamo ar 19 Gorffennaf 1950.[1] Roedd hyn adeg rheolaeth gomiwnyddol ac unbeniaethol y wlad. Sefydlwyd Dinamo, fel sawl clwb 'Dinamo' arall yn yr hen floc Sofietaidd, fel clwb y Weinyddiaeth Gartref ac yn rhan o'r rhwydaith o gymdeithasau chwaraeon Dinamo a sefydlwyd gan sylfaenydd gwasanaeth gudd yr Undeb Sofietaidd yn 1923.
Mae'n un o glybiau mwyaf llwyddiannus y wlad. rhwng 18 Ebrill 1951 - 1 Mehefin 1952 enillont 25 gêm o'r bron.[1] Yn 1971 chwaraeodd y tîm ei gêm gyntaf yn Ewrop gan gystadlu yn hen dwrnament Cwpan Enillwyr Cwpanau Ewrop.
O 1995 i 1997 fe'i gelwir yn KS Olimpik Tirana er mwyn ei dadgysylltu gydag hanes comiwnyddol y Clwb.
Cit golygu
- Cartref: Crys glas; trwsus a sanau gwyn
- Oddi Cartref: Crys a trwsus gwyn; sanau glas.
Anrhydeddau golygu
Kategoria Superiore (Uwch Adran)
- Enillwyr (18): 1950, 1951, 1952, 1953, 1955, 1956, 1960, 1966–67, 1972–73, 1974–75, 1975–76, 1976–77, 1979–80, 1985–86, 1989–90, 2001–02, 2007–08, 2009–10
- Ail (9): 1954, 1957, 1961, 1962–63, 1963–64, 1970–71, 1980–81, 1984–85, 2003–04
- Enillwyr (13): 1950, 1951, 1952, 1953, 1954, 1960, 1970–71, 1973–74, 1977–78, 1981–82, 1988–89, 1989–90, 2002–03
- Ail (6): 1972–73, 1976–77, 1978–79, 1981–82, 2001–02, 2003–04
Supercup Albania
- Enillwyr (2): 1989, 2008
- Ail (4): 1990, 2002, 2003, 2010