Drew Hendry
Gwleidydd o'r Alban yw Drew Hendry (Andrew Egan Henderson "Drew" Hendry; (ganwyd 21 Mai 1964)[1]) a etholwyd yn Aelod Seneddol yn Etholiad cyffredinol y Deyrnas Unedig, 2015 dros Inverness, Nairn, Badenoch a Strathspey; mae'r etholaeth yn Ucheldir yr Alban. Mae Drew Hendry yn cynrychioli Plaid Genedlaethol yr Alban yn Nhŷ'r Cyffredin. Ef yw Llefarydd yr SNP dros Drafniaidaeth.
| Drew Hendry | |
| |
| Cyfnod yn y swydd 7 Mai 2015 – Mai 2020 | |
| Rhagflaenydd | Danny Alexander Democratiaid Rhyddfrydol |
|---|---|
| Geni | 21 Mai 1964 Caeredin, Yr Alban |
| Cenedligrwydd | Albanwr |
| Etholaeth | Inverness, Nairn, Badenoch a Strathspey |
| Plaid wleidyddol | Plaid Genedlaethol yr Alban 
|
| Galwedigaeth | Gwleidydd |
| Gwefan | http://www.snp.org/ |
| Enw llawn: Andrew Egan Henderson "Drew" Hendry | |
Deffrowyd ef yn wleidyddol gan Refferendwm Annibyniaeth yr Alban yn 1979.[2] Bu'n gweithio yng Nghaeredin hyd at 1999 pan symudodd ef a'i wraig i bentref Tore yn nwyrain Ucheldir yr Alban. Sefydlodd gwmni bychan yn y dref gyfagos yn 1999: teclan ltd, a leolwyd yn Inverness, a oedd yn cynnig gwasanaeth digidol a chyfrifiadurol i werthwyr dros y we.[2]
Bu'n gynghorydd sir ar Gyngor Ucheldir yr Alban ers 2007 ac yn arweinydd y cyngor hwnnw rhwng 2012 a 2015. Bu'n gyfrifol am ddod a lleiafswm cyflog (neu living wage) i'r sir - cyn i hynny ddod yn boblogaidd yn dilyn ymgyrch yr SNP yn Etholiad 2015.
Etholiad 2015 golygu
Yn Etholiad Cyffredinol 2015 enillodd Plaid Genedlaethol yr Alban 56 allan o 59 sedd yn yr Alban.[3][4] Yn yr etholiad hon, derbyniodd Drew Hendry 28838 o bleidleisiau, sef 50.1% o'r holl bleidleisiau a fwriwyd, sef gogwydd o 31.4 ers etholiad 2015 a mwyafrif o 10809 pleidlais.
Gweler hefyd golygu
Cyfeiriadau golygu
- ↑ Tystysgrif geni Andrew Egan Henderson Hendry, 21 Mai 1964, Edinburgh District 8207/89 4807 – National Records of Scotland
- ↑ 2.0 2.1 Ross, Hugh (27 Mai 2012). "What makes new Highland Council leader tick?". Ross-shire Journal. Archifwyd o'r gwreiddiol ar 2017-08-11. Cyrchwyd 12 Hydref 2012.
- ↑ Gwefan y BBC; adalwyd 03 Gorffennaf 2015
- ↑ Adroddiad yn y Guardian ar y don o seddi gan yr SNP yn yr Alban