Wicipedia

Eglwys Sant Mihangel, Llanfihangel-y-pennant

eglwys yn Llanfihangel-y-pennant, Gwynedd

Saif Eglwys Sant Mihangel ym mhentref bychan Llanfihangel-y-pennant rhwng cartref Mari Jones a Chastell y Bere yn Nyffryn Dysynni, ger Tywyn, Gwynedd. Mae'r eglwys hynafol hon yn dyddio i ganrif 12, er bod y llan o'i chwmpas yn llawer hŷn. Enw'r plwyf yw Bro Ystumanner.[1]

Eglwys Sant Mihangel
Eglwys Sant Mihangel, Church of St Michael, Llanfihangel-y-Pennant, Tywyn, Gwynedd Cymru 59.JPG
Matheglwys Edit this on Wikidata
Daearyddiaeth
LleoliadLlanfihangel-y-Pennant Edit this on Wikidata
SirLlanfihangel-y-Pennant Edit this on Wikidata
GwladBaner Cymru Cymru
Uwch y môr22.6 metr Edit this on Wikidata
Cyfesurynnau52.6612°N 3.9658°W Edit this on Wikidata
Map
Statws treftadaethadeilad rhestredig Gradd II* Edit this on Wikidata
Cysegrwyd iMihangel Edit this on Wikidata
Manylion
[golygwch ar Wicidata]
Eglwys Sant Mihangel, Church of St Michael, Llanfihangel-y-Pennant, Tywyn, Gwynedd Cymru 55.tiff

Fe'i cofrestrwyd gan Cadw ar 17 Mehefin 1966 yn Radd II*, a hynny oherwydd ei hoed a nodweddion o'r Oesoedd Canol, fel y fedyddfaen, nenfwd a'r rhan fwyaf o'i muriau. Yng nghanrif 15 codwyd estyniad ar ochr ogleddol yr eglwys: capel bychan; yno, yn 2016 roedd arddangosfa o ddogfennau'n ymwneud â Mari Jones. Ceir ffenestr liw o 1869 sy'n darlunio seintiau Mihangel a Gabriel o bobty Crist y tu ôl i'r allor.[2]

Credir fod y fedyddfaen yn dyddio o ganrif 12 ac iddi ddod o Gastell y Bere; y tu allan i'r brif ffenestr, ceir bedd, gyda'r union gerrig crwn, tebyg i golofnau.

  • Tuag at y porth yn nhu blaen yr eglwys

    Tuag at y porth yn nhu blaen yr eglwys

  • Tuag at yr allor

    Tuag at yr allor

  • Trawstiau pren yr eglwys

    Trawstiau pren yr eglwys

  • Yr olygfa tua chefn yr eglwys (drws ar y chwith pellaf)

    Yr olygfa tua chefn yr eglwys (drws ar y chwith pellaf)

  • Y fedyddfaen a gludwyd yma o'r Capel yng Nghastell y Bere

    Y fedyddfaen a gludwyd yma o'r Capel yng Nghastell y Bere

  • Bedd hynod, gyda cholfnau crwn

    Bedd hynod, gyda cholfnau crwn

Cofrestrwyd wal yr eglwys ar wahân, ar 4 Hydref 2000, Gradd: II (cyfeirnod 23212), oherwydd ei phwysigrwydd hanesyddol. credir ei bod yn llawer hȳn na'r eglwys, ac efallai'n perthyn i'r Eglwys Geltaidd.[3] Mae'n debyg mai chlawdd a ffos fyddai yma'n wreiddiol. Mae'n 1.5 metr o uchder, ar gyfartaledd ac yn 65 cm (dwy droedfedd) o drwch.

Gweler hefydGolygu

CyfeiriadauGolygu

  1. ↑ [https://web.archive.org/web/20160314093039/http://www.churchinwales.org.uk/structure/places/churches/?id=2090 Archifwyd 2016-03-14 yn y Peiriant Wayback. Gwefan yr Eglwys yng Nghymru]; adalwyd 11 Mai 2016.
  2. ↑ britishlistedbuildings.co.uk; adalwyd 11 Mai 2016
  3. ↑ britishlistedbuildings.co.uk; adalwyd 11 Mai 2016
Wedi dod o "https://cy.wikipedia.org/w/index.php?title=Eglwys_Sant_Mihangel,_Llanfihangel-y-pennant&oldid=11617363"