Elan Closs Stephens
Academydd o Gymraes yw Elan Closs Stephens DBE (ganed ar 16 Mehefin 1948) ac yn aelod dros Gymru ar fwrdd ymddiriedolwyr y BBC. Mae hi'n arbenigo mewn polisi diwylliannol a darlledu. Mae hi hefyd yn gwasanaethu fel cyfarwyddwr anweithredol Bwrdd Llywodraeth Cymru, a arweinir gan yr Ysgrifennydd Parhaol.[1]
| Elan Closs Stephens | |
|---|---|
| Ganwyd | 16 Mehefin 1948  Tal-y-sarn |
| Dinasyddiaeth |  Cymru |
| Alma mater | |
| Galwedigaeth | academydd |
| Swydd | non-executive director, Chair of the BBC |
| Cyflogwr | |
| Priod | Roy Stephens |
| Gwobr/au | CBE, Bonesig Cadlywydd Urdd yr Ymerodraeth Brydeinig, Cymrawd Cymdeithas Ddysgedig Cymru, Cymrawd Cymdeithas Frenhinol Celf (FRSA) |
Bywgraffiad
golyguGanwyd yn Talysarn yn Nyffryn Nantlle, Gwynedd, ac fe'i addysgwyd yn Ysgol Dyffryn Nantlle a Choleg Somerville, Rhydychen.
Mae Stephens yn Athro Emeritws Cyfathrebu a Diwydiannau Creadigol yn Adran Astudiaethau Theatr, Ffilm a Theledu Mhrifysgol Aberystwyth.[2] Mae hefyd yn gweithredu fel Cyfarwyddwr Menter a Throsglwyddo Gwybodaeth er mwyn galluogi prosiectau ymchwil â phartneriaid mewn diwydiant.
Yn 1998, penodwyd Stephens yn gadeirydd Awdurdod S4C gan yr Adran dros Ddiwylliant, y Cyfryngau a Chwaraeon (DCMS) yn Llundain,[3] a fe'i penodwyd am ail dymor hyd at 2006. Roedd yn Llywodraethwr y Sefydliad Ffilm Prydeinig tan 2007, a Chadeirydd ei bwyllgor Archwilio a Llywodraethu yn ystod gwaith adnewyddu y Theatr Ffilm Cenedlaethol, Southbank Centre. Bu'n gadeirydd ar Bwyllgor Ymgynghorol Cymru y Cyngor Prydeinig tan 2011, a roedd yn aelod o fwrdd Asiantaeth Ffilm Cymru, ac ymddiriedolwr/aelod o fwrdd Celfyddydau & Busnes.
Wedi cadeirio Chwarae Teg, y corff sy'n hyrwyddo datblygiad economaidd menywod yng Nghymru, yn 2009 fe'i penodwyd gan y Gweinidog dros Gyfiawnder Cymdeithasol a Llywodraeth Leol yn Llywodraeth Cynulliad Cymru fel cadeirydd y Bwrdd Adfer ar gyfer Cyngor Sir Ynys Môn. Yn 2006, bu'n gadeirydd ar Adroddiad Stephens yn adrodd ar ariannu a strwythur y celfyddydau yng Nghymru ar ran Llywodraeth Cynulliad Cymru. Roedd yn aelod o Bwrdd Cyflawni a Pherfformio Strategol Lywodraeth Cynulliad Cymru. Ym mis Hydref 2010 cafodd ei phenodi yn aelod Cymru o Ymddiriedolaeth y BBC.[4] Ym mis Gorffennaf 2017 fe'i penodwyd yn Gyfarwyddwr Anweithredol y BBC dros Gymru.[5] Roedd hyn yn dilyn atal yr ymgeisydd gwreiddiol, Carol Bell, gan Lywodraeth Cymru.[6]
Rhwng 13 Mawrth 2017 to 12 Mawrth 2021 roedd yn un o Gomisiynwyr y Comisiwn Etholiadol.[7]
Ym Mehefin 2023 fe'i penodwyd yn Gadeirydd dros dro y BBC, yn dilyn ymddiswyddiad Richard Sharp. Bydd yn y swydd o 27 Mehefin am 12 mis neu hyd i Gadeirydd newydd gael ei benodi.[8] Ar 22 Chwefror 2024, cyhoeddodd llywodraeth San Steffan mai Dr Samir Shah byddai'r cadeirydd newydd o 4 Mawrth 2024 am bedair blynedd. Felly daeth cyfnod Stephens i ben ar 3 Mawrth 2024.[9]
Anrhydeddau
golyguDerbyniodd Stephens CBE yn Anrhydeddau Pen-blwydd y Frenhines 2001 am ei gwasanaethau i ddarlledu a'r Gymraeg, a fe'i penodwyd yn Uchel Siryf Dyfed ar gyfer 2012/13. Yn anrhydeddau pen-blwydd y Frenhines 2019, fe'i dyrchafwyd i'r DBE am ei chyfraniad i Lywodraeth Cymru a’r byd darlledu, gan ei wneud yn Fonesig.[10]
Bywyd personol
golyguPriododd Dr Roy Stephens yn 1972 (bu farw yn 1989). Mae gan Stephens ddau o blant sy'n oedolion.
Cyfeiriadau
golygu- ↑ "Elan Closs Stephens, Non-Executive Director". Llywodraeth Cymru. Cyrchwyd 8 Rhagfyr 2016.[dolen farw]
- ↑ "Elan Closs Stephens". Prifysgol Aberystwyth. Cyrchwyd 20 Medi 2011.
- ↑ "Elan Closs Stephens". BBC Trust. Unknown parameter
|acces-date=ignored (help) - ↑ "Elan Closs Stephens". Welsh Assembly Government. Archifwyd o'r gwreiddiol ar 2012-04-04. Cyrchwyd 20 Medi 2011.
- ↑ Penodi aelod dros Gymru ar fwrdd ymddiriedolwyr y BBC. BBC Cymru Fyw (20 Gorffennaf 2017).
- ↑ Atal Dr Carol Bell rhag cael ei phenodi i fwrdd y BBC. BBC Cymru Fyw (14 Mawrth 2017).
- ↑ Yr Athro Elan Closs Stephens. Comisiwn Etholiadol. Adalwyd ar 18 Mehefin 2019.
- ↑ "Penodi'r Athro Elan Closs Stephens yn Gadeirydd dros dro'r BBC". Golwg360. 2023-06-02. Cyrchwyd 2023-06-02.
- ↑ "Dr Samir Shah CBE is confirmed as the new BBC Chair". GOV.UK (yn Saesneg). Cyrchwyd 2024-03-03.
- ↑ Athro’n diolch am y dymuniadau da ar gael ei gwneud yn Fonesig , Golwg360, 14 Mehefin 2019. Cyrchwyd ar 18 Mehefin 2019.
Dolenni allanol
golygu- Bywgraffiad ar wefan Prifysgol Aberystwyth
- Bywgraffiad ar wefan Llywodraeth Cynulliad Cymru Archifwyd 2012-04-04 yn y Peiriant Wayback